Прокимен (псалом 102), глас 4: Щедр и ми́лостив Госпо́дь,/ Долготерпели́в и Многоми́лостив.
Стих: Благослови́, душе́ моя́, Го́спода, и вся вну́тренняя моя́, и́мя свято́е Его́.
Прокимен (псалом 102), глас 4: Сострада́телен и Ми́лостив Госпо́дь, Долготерпели́в и Многоми́лостив.
Стих: Славь Го́спода, душа́ моя́, и всё, что в глубине́ меня́, – свято́е Его́ и́мя!
Бытия́ чте́ние. [Быт.22:1–18]
Бы́сть по глаго́лех си́х, Бог искуша́ше Авраа́ма, и рече́ ему́: Авраа́ме, Авраа́ме. и рече́: се́ а́з. И рече́: пойми́ сы́на твоего́ возлю́бленнаго, его́же возлюби́л еси́, Исаа́ка, и иди́ на зе́млю высо́ку, и вознеси́ его́ та́мо во всесожже́ние, на еди́ну от го́р, и́хже ти́ ре́х. Воста́в же Авраа́м у́тро, оседла́ осля́ свое́. поя́т же с собо́ю два́ о́трочища, и Исаа́ка сы́на своего́, и растни́в дрова́ во всесожже́ние, воста́в и́де, и прии́де на ме́сто, е́же рече́ ему́ Бо́г, в тре́тий де́нь. И воззре́в авраа́м очи́ма свои́ма, ви́де ме́сто издале́че. И рече́ Авраа́м отроко́м свои́м: ся́дите зде́ со осля́тем: а́з же и де́тищ по́йдем до о́нде, и поклони́вшеся, возврати́мся к ва́м. Взя́ же Авраа́м дрова́ всесожже́ния, и возложи́ на Исаа́ка сы́на своего́: взя́ же в ру́ки и о́гнь, и но́ж, и идо́ста о́ба вку́пе. Рече́ же Исаа́к ко Авраа́му отцу́ своему́: о́тче. о́н же рече́: что́ есть ча́до? рече́ же: се́ о́гнь и дрова́, где́ есть овча́ е́же во всесожже́ние? Рече́ же Авраа́м: Бог у́зрит Себе́ овча́ во всесожже́ние ча́до. ше́дше же о́ба вку́пе, Приидо́ста на ме́сто, е́же рече́ ему́ Бо́г: и созда́ та́мо Авраа́м же́ртвенник, и возложи́ дрова́: и связа́в Исаа́ка сы́на своего́, возложи́ его́ на же́ртвенник верху́ дро́в. И простре́ авраа́м ру́ку свою́, взя́ти но́ж закла́ти сы́на своего́. И воззва́ и́ А́нгел Госпо́день с небесе́, и рече́: Авраа́ме, Авраа́ме. о́н же рече́: се́ а́з. И рече́: да не возложи́ши руки́ твоея́ на о́трочища, ниже́ да сотвори́ши ему́ что́: ны́не бо позна́х, я́ко бои́шися ты́ Бо́га, и не пощаде́л еси́ сы́на твоего́ возлю́бленнаго Мене́ ра́ди. И воззре́в Авраа́м очи́ма свои́ма ви́де, и се́ ове́н еди́н держи́мый рога́ма в са́де саве́к: и и́де Авраа́м, и взя́ овна́, и вознесе́ его́ во всесожже́ние вме́сто Исаа́ка сы́на своего́. И нарече́ Авраа́м и́мя ме́сту тому́, Госпо́дь ви́де: да реку́т дне́сь, на горе́ Госпо́дь яви́ся. И воззва́ А́нгел Госпо́день Авраа́ма втори́цею с небесе́, Глаго́ля: Мно́ю Саме́м кля́хся, глаго́лет Госпо́дь, его́же ра́ди сотвори́л еси́ глаго́л се́й, и не пощаде́л еси́ Сы́на твоего́ возлю́бленнаго Мене́ ра́ди. Вои́стинну благословя́ благословлю́ тя, и умножа́я умно́жу се́мя твое́, я́ко зве́зды небе́сныя, и я́ко песо́к вскра́й мо́ря, и насле́дит се́мя твое́ гра́ды супоста́тов. И благословя́тся о се́мени твое́м вси́ язы́цы земни́и, зане́же послу́шал еси́ гла́са Моего́.
Чтение Бытия [22:1–18]
Было после этих событий: испытывал Бог Авраа́ма и сказал ему: «Авраа́м, Авраа́м!» Он сказал: «Вот я». И сказал Бог: «Возьми сына твоего возлюбленного, которого ты любишь, Исаа́ка, и иди в местность возвышенную, и принеси его там во всесожжение на одной из гор, о которой Я тебе скажу». Авраам встал поутру́, оседлал осла своего, взял с собой двух слуг и Исаака, сына своего, и, наколов дров для всесожжения, встал, пошёл и на третий день пришёл на место, о котором сказал ему Бог. Подняв глаза свои, Авраам издали увидел это место. И сказал Авраам слугам своим: «Останьтесь здесь с ослом, а я с сыном пойду туда и, поклонившись, мы возвратимся к вам». И взял Авраам дрова для всесожжения и положил на Исаака, сына своего, взял в руки огонь и нож, и пошли оба вместе. И сказал Исаак Аврааму, отцу своему: «Отче!» Он сказал: «Что, чадо?» Он сказал: «Вот огонь и дрова, где же агнец для всесожжения?» И сказал Авраам: «Бог увидит Себе агнца для всесожжения, чадо». И пошли оба вместе. И пришли на место, о котором сказал ему Бог. И устроил там Авраам жертвенник, и положил дрова, и, связав Исаака, сына своего, положил его на жертвенник поверх дров. И простёр Авраам руку свою, чтобы взять нож и заколоть сына своего. И позвал его ангел Господень с неба и сказал: «Авраам, Авраам!» А он сказал: «Вот я!» И сказал ангел: «Не поднимай руку твою на отрока и ничего не делай ему, ибо ныне Я узнал, что ты боишься Бога и не пощадил ради Меня возлюбленного сына твоего». И поднял Авраам глаза свои и увидел: вот, один баран запутался рогами в растении саве́к; и пошел Авраам, и взял барана, и принёс его во всесожжение вместо Исаака, сына своего. И нарёк Авраам имя месту тому: «Господь увидел», так что и ныне говорят: «На горе Господь явился». И позвал ангел Господень с неба Авраама ещё раз. И сказал: «Клянусь Самим Собой, говорит Господь: за то что ты сделал это дело и не пощадил сына своего возлюбленного ради Меня, Я воистину, благословляя, благословлю тебя и, умножая, умножу семя твоё, как звёзды небесные и как песок на берегу моря, и унаследует семя твоё города врагов. И будут благословлены в семени твоём все народы земли, ибо ты послушался слов Моих».
Прокимен (псалом 103), глас 4: Я́ко возвели́чишася дела́ Твоя́, Го́споди,/ вся прему́дростию сотвори́л еси́.
Стих: Благослови́, душе́ моя́, Го́спода: Го́споди Бо́же мой, возвели́чился еси́ зело́.
Прокимен (псалом 103), глас 4: Как сла́вны, Го́споди, Твои́ сверше́ния! Всё прему́дростью Ты сотвори́л.
Стих: Славь, душа́ моя́, Го́спода! Го́споди Бо́же мой, Ты – препросла́влен!
При́тчей чте́ние. [Притч.17:17–28, 18:1–5]
Бра́тия в ну́ждах поле́зни да бу́дут: сего́ бо ра́ди ражда́ются. Му́ж безу́мен пле́щет и ра́дуется себе́, я́коже поруча́яйся испору́чит дру́га своего́, на свои́х же устна́х о́гнь сокро́вищствует. Грехолю́бец ра́дуется сва́ром: а жестокосе́рдый не усря́щет благи́х. Му́ж удобопрело́жный язы́ком, впаде́т в зла́я: се́рдце же безу́мнаго боле́знь стяжа́вшему е́: Не весели́тся оте́ц о сы́не ненака́заннем: сы́н же му́др весели́т ма́терь свою́. Се́рдце веселя́щееся благоиме́тися твори́т: му́жу же печа́льну засы́шут ко́сти. Прие́млющему да́ры непра́ведно в не́дра не предъуспева́ют путие́: нечести́вый же уклоня́ет пути́ пра́вды. Лице́ разу́мно му́жа прему́дра, о́чи же безу́мнаго на конца́х земли́. Гне́в отцу́ сы́н безу́мен, и боле́знь ро́ждшей его́. Тщеты́ твори́ти му́жу пра́ведну не добро́: ниже́ преподо́бно наве́товати власте́м пра́ведным. И́же щади́т глаго́л произнести́ же́сток, разу́мен: долготерпели́вый же му́ж прему́др, лу́чше и́щущаго нау́ки. Несмы́сленному вопроси́вшу о му́дрости, му́дрость вмени́тся: не́ма же кто́ себе́ твори́т, возмни́тся разу́мен бы́ти. Вины́ и́щет му́ж хотя́ отлучи́тися от друго́в, на вся́кое же вре́мя поноси́мь бу́дет. Не тре́бует прему́дрости му́ж скудоу́мен, зане́ па́че во́дится безу́мием. Егда́ прии́дет нечести́вый во глубину́ зо́л, неради́т: нахо́дит же ему́ безче́стие и поноше́ние. Вода́ глубока́ сло́во в се́рдце му́жа: река́ же изска́чущая и исто́чник жи́зни. Чуди́тися лицу́ нечести́ваго не добро́, ниже́ преподо́бно уклоня́ти пра́ведное на суде́.
Чтение книги Притч [17:17б–28; 18:1–5]