После возглашения: «Миром Господу помолимся», присутствующие приглашаются помолиться:
О свышнем мире и о спасении душ наших; О оставлении согрешений во блаженней памяти преставльшагося; О приснопамятнем рабе Божием (имя), покоя, тишины, блаженныя памяти его; О простити ему всякое прегрешение, вольное и невольное; О неосужде́нну предстати у страшнаго престола Господа славы; О плачущих и боле́знующих, чающих Христова утешения; О отпуститися ему от всякия болезни и печали и воздыхания, и вселити его, иде́же присещает свет лица Божия; О яко да Господь Бог наш учини́т душу его в месте светле, в месте злачне, в месте покойне, иде́же вси праведнии пребывают; О причтении его в не́дрех Авраама и Исаака и Иакова; О избавитися нам от всякия скорби, гнева и ну́жды. Заступи́, спаси, помилуй и сохрани нас, Боже, Твоею благодатию. Милости Божия и царства небеснаго и оставления грехов испросивше тому и сами себе, друг друга и весь живот наш Христу Богу предадим.
Яко Ты еси воскресение и живот… (См. выше).
Аллилуиа. (Трижды.)
Глубиною мудрости человеколюбно вся строяй и полезное всем подаваяй, едине Содетелю, упокой, Господи, душу усопшаго раба Твоего: на Тя бо упование возложи́, Творца и Зижди́теля и Бога нашего.
Тебе и сте́ну и пристанище и́мамы, и молитвенницу благоприятну к Богу, Егоже родила еси, Богородице безневестная, верных спасение.