Всест҃а́ѧ трbце, бж҃е и҆ содѣ́телю всегѡ̀ мі́ра, поспѣшѝ и҆ напра́ви се́рдце моѐ, нача́ти съ ра́зꙋмомъ, и҆ конча́ти дѣ́лы бл҃ги́ми бг҃одꙋхновє́нныѧ сїѧ̑ кни̑ги, ꙗ҆̀же ст҃ы́й д¦ъ ѹ҆сты̀ дв҃дѡвы ѿры́гнꙋ, и҆̀хже ны́нѣ хощꙋ̀ глаго́лати а҆́зъ недосто́йный: разꙋмѣ́ѧ
же своѐ невѣ́жество, припа́даѧ молю́сѧ тѝ, и҆ є҆́же ѿ тебѐ по́мощи просѧ̀: гдⷭ҇и, ѹ҆пра́ви ѹ҆́мъ мо́й, и҆ ѹ҆твердѝ се́рдце моѐ, не ѡ҆ глаго́ланїи ѹ҆сте́нъ стꙋжа́ти сѝ, но ѡ҆ ра́зꙋмѣ глаго́лемыхъ весели́тисѧ, и҆ пригото́витисѧ на творе́нїе до́брыхъ дѣ́лъ, ꙗ҆̀же ѹ҆чꙋ́сѧ, и҆ глаго́лю:
да до́брыми дѣ́лы просвѣще́нъ, на сꙋди́щи десны́ѧ тѝ страны̀ прича́стникъ бꙋ́дꙋ, со всѣ́ми и҆збра́нными твои́ми. и҆ ны́нѣ вLко, бл҃гословѝ, да воздохнꙋ́въ ѿ се́рдца, и҆ ѧ҆зы́комъ воспою̀, глаго́лѧ си́це:
Прїиди́те, поклони́мсѧ цр҃е́ви на́шемꙋ бг҃ꙋ.
Прїиди́те, поклони́мсѧ и҆ припаде́мъ хрⷭ҇тꙋ̀ цр҃е́ви на́шемꙋ бг҃ꙋ.
Прїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀ цр҃е́ви и҆ бг҃ꙋ на́шемꙋ.
Та́же посто́й ма́лѡ, до́ндеже ѹ҆тиша́тсѧ всѧ̑ чꙋ́вства: тогда̀ сотворѝ нача́ло не вско́рѣ, без̾ лѣ́ности, со ѹ҆миле́нїемъ и҆ сокрꙋше́ннымъ се́рдцемъ. Рцы̀ сїѐ: Бл҃же́нъ мꙋ́жъ: ти́хъ и҆ разꙋ́мнѡ, со внима́нїемъ, а҆ не борзѧ́сѧ, ꙗ҆́коже и҆ ѹ҆мо́мъ разꙋмѣва́ти глаго́лємаѧ.