Ирмо́с: От но́щи у́тренююща, Человеколю́бче, просвети, молю́ся, и наста́ви и мене на повеления Твоя, и научи́ мя, Спа́се, твори́ти во́лю Твою́.
Преподо́бне о́тче на́ш Паи́сие, моли́ Бо́га о на́с.
Чада твоя убо́гая вси есмы оста́влена на земли, о́тче Паи́сие, рыда́ем с боле́знию се́рдца: а́ще и ве́мы, я́ко неоску́дно мно́жае мо́лишися о на́с, но рыда́ем неуте́шно за неразлуче́ние на́ше.
Преподо́бне о́тче на́ш Паи́сие, моли́ Бо́га о на́с.
Ско́рбное вре́мя приспе, печа́льный ча́с: прии́де все́х жа́тель объя́ти, вси в се́товании есмы, никто́же хо́щет уте́шитися от на́с: а́ще и всего изоби́льни есмы, но не мо́жем уте́шитися, я́коже с тобо́ю разлучи́вшиися от тебе, о́тче Паи́сие.
Сла́ва Отцу́ и Сы́ну и Свято́му Ду́ху.
А́ще бы́х ви́дел ча́с исхо́да твоего, о о́тче Паи́сие, омыва́л бы́х слеза́ми но́зе твои моля́щеся, да егда предста́неши Бо́гу, испроси́ти те́лу моему здра́вие. но и дне́сь до́бре ве́м, я́ко гла́с мо́й слы́шиши, и вся моя ви́диши, молю́ся ти: испроси мне поле́зное у Бо́га.
И ны́не и при́сно и во ве́ки веко́в. Ами́нь.
Ты ве́си Пречи́стая Богоро́дице, коли́ко окра́ден е́смь, в наде́жду спа́се́ния моего, от нечу́вствия и нераде́ния. молю́ся Ти: победи амали́ки сия, да, не окра́ден от ни́х, на́г предста́ну Сы́на Твоего.