Ирмо́с: Возопи́х все́м се́рдцем мои́м к ще́дрому Бо́гу, и услы́ша мя от а́да преиспо́дняго, и возведе от тли живо́т мо́й.
Преподо́бне о́тче на́ш Паи́сие, моли́ Бо́га о на́с.
Пла́чем и а́ки ча́до отста́вшееся ма́терняго сосца вопие́м се́тующе и рыда́юще: о о́тче, где еси, почто не нако́рмиши на́с чад свои́х, а́лчущих духо́вныя твоея пи́щи?
Преподо́бне о́тче на́ш Паи́сие, моли́ Бо́га о на́с.
Егда́ ли строптива чада твоя есмы, или преогорчи́хом бла́гоутро́бие твое, я́ко оста́вил еси на́с, а́ки ма́ти ча́до, прише́дшу вре́мени на тве́рдейшу пи́щу, глаго́лющь: да пита́емся са́ми, помина́юще бла́гоутро́бие твое.
Сла́ва Отцу́ и Сы́ну и Свято́му Ду́ху.
Жи́знь моя иждива́ется, дни моя преполови́шася, наде́жды окрада́емь е́смь, грехо́в мои́х ра́ди, и недоуме́ю: ка́ко и́мам отвеща́ти о де́лех мои́х. Но молю́ тя, о о́тче, помоли́ся Бо́гу, да возврати́т ми вре́мя к покая́нию.
И ны́не и при́сно и во ве́ки веко́в. Ами́нь.
Преклоне́н мно́жества грехо́в и сляче́н е́смь от ни́х, вы́ю душе́вную и теле́сную приклоня́ю Тебе Влады́чице и молю́ Тя: Ты́ мя испра́ви.