Внꙋшѝ бж҃е мл҃твꙋ мою̀, и҆ не пре́зри моле́нїѧ моегѡ̀. вонми́ ми, и҆ ѹ҆слы́ши мѧ̀: возскорбѣ́хъ печа́лїю мое́ю, и҆ смѧто́хсѧ ѿ гла́са вра́жїѧ и҆ ѿ стꙋже́нїѧ грѣ́шнича. ꙗ҆́кѡ ѹ҆клони́ша на мѧ̀ беззако́нїе, и҆ во гнѣ́вѣ враждова́хꙋ мѝ. се́рдце моѐ смѧте́сѧ во мнѣ̀, и҆ боѧ́знь сме́рти нападѐ на мѧ̀. стра́хъ и҆ тре́петъ прїи́де на мѧ̀, и҆ покры́ мѧ тьма̀. и҆ рѣ́хъ: кто̀ да́стъ мѝ крилѣ̀ ꙗ҆́кѡ голꙋби́нѣ, и҆ полещꙋ̀ и҆ почі́ю; сѐ ѹ҆дали́хсѧ бѣ́гаѧ, и҆ водвори́хсѧ въ пꙋсты́ни. ча́ѧхъ бг҃а, сп҃са́ющагѡ мѧ̀ ѿ малодꙋ́шїѧ и҆ ѿ бꙋ́ри. потопѝ гдⷭ҇и, и҆ раздѣлѝ ꙗ҆зы́ки и҆́хъ, ꙗ҆́кѡ ви́дѣхъ беззако́нїе, и҆ прерѣка́нїе во гра́дѣ. дне́мъ и҆ но́щїю ѡ҆бы́детъ и҆̀ по стѣна́мъ є҆гѡ̀: беззако́нїе и҆ трꙋ́дъ посредѣ̀ є҆гѡ̀, и҆ непра́вда: и҆ не ѡ҆скꙋдѣ̀ ѿ сто́гнъ є҆гѡ̀ ли́хва и҆ ле́сть. ꙗ҆́кѡ а҆́ще бы вра́гъ поноси́лъ мѝ, претерпѣ́лъ бы́хъ ѹ҆̀бо: и҆ а҆́ще бы ненави́дѧй мѧ̀ на мѧ̀ велерѣ́чевалъ, ѹ҆кры́лъ бы́хъ сѧ ѿ негѡ̀. ты́ же человѣ́че равнодꙋ́шне, влады́ко мо́й, и҆ зна́емый мо́й: и҆́же кꙋ́пнѡ наслажда́лсѧ є҆сѝ со мно́ю бра́шенъ, въ домꙋ̀ бж҃їи ходи́хомъ є҆диномышле́нїемъ. да прїи́детъ же сме́рть на тѧ̀, и҆ да сни́дꙋтъ во а҆́дъ жи́ви: ꙗ҆́кѡ лꙋка́вство въ жили́щахъ и҆́хъ, посредѣ̀ и҆̀хъ: а҆́зъ къ бг҃ꙋ воззва́хъ, и҆ гдⷭ҇ь ѹ҆слы́ша мѧ̀. ве́черъ и҆ заꙋ́тра и҆ полꙋ́дне повѣ́мъ, и҆ возвѣщꙋ̀, и҆ ѹ҆слы́шитъ гла́съ мо́й. и҆зба́витъ ми́ромъ дꙋ́шꙋ мою̀ ѿ приближа́ющихсѧ мнѣ̀: ꙗ҆́кѡ во мно́зѣ бѧ́хꙋ со мно́ю. ѹ҆слы́шитъ бг҃ъ, и҆ смири́тъ ѧ҆̀, сы́й пре́жде вѣ̑къ: нѣ́сть бо и҆̀мъ и҆змѣне́нїѧ, ꙗ҆́кѡ не ѹ҆боѧ́шасѧ бг҃а. прострѐ рꙋ́кꙋ свою̀ на воздаѧ́нїе, ѡ҆скверни́ша завѣ́тъ є҆гѡ̀. раздѣли́шасѧ ѿ гнѣ́ва лица̀ є҆гѡ̀, и҆ прибли́жишасѧ сердца̀ и҆́хъ: ѹ҆мѧ́кнꙋша словеса̀ и҆́хъ па́че є҆ле́а, и҆ та̑ сꙋ́ть стрѣ́лы. возве́рзи на гдⷭ҇а печа́ль твою̀, и҆ то́й тѧ̀ препита́етъ, не да́стъ въ вѣ́къ молвы̀ пра́ведникꙋ. ты́ же бж҃е, низведе́ши ѧ҆̀ въ стꙋдене́цъ и҆стлѣ́нїѧ. мꙋ́жїе крове́й и҆ льстѝ не преполовѧ́тъ дне́й свои́хъ: а҆́зъ же гдⷭ҇и ѹ҆пова́ю на тѧ̀.
Grant me, O God, my prayer, and do not despise my supplication. Hearken to me, and answer me: I have sorrowed with my soul, and have been moved by the voice of the adversary and by the heat of sinners. For they have turned aside from me in lawlessness, and in wrath they have fought against me. My heart is troubled within me, and fear of death has fallen upon me. Fear and trembling have come upon me, and darkness has covered me. And I said: Who will give to me wings like a dove, and comfort and rest; all have fled from me, running away, and I have been established in the wilderness. I longed for God, the Saviour of my soul from weakness and from tempest. You divided the waters, and separated the tongues, for I saw lawlessness and contradiction in the city. Day and night it will be and by its walls: lawlessness and toil are in the midst of it, and unrighteousness: and there is no escape from the groans of it, wealth and guile. For though the enemy reproached me, I endured for thy sake: and though the hater of me spoke boastfully against me, I covered myself from him. Thou, O my Lord, who art indifferent, and known to me: and on whom thou didst enjoy a cup with me in the house of God, walking together in one mind. Let death come upon thee, and let the living descend into hell: for wickedness is in their dwellings, in the midst of them: I called to God, and he heard me. Evening and morning and noon I will proclaim, and declare, and his voice shall hear me. He will deliver my soul from those who draw near to me: for there were many with me. He hears, and will humble him, even before the ages: for there is no change in them, for they have not feared God. Stretch forth thy hand for recompense, thou hast defiled his covenant. Thou hast separated thyself from the wrath of his face, and hast brought near their hearts: their words are softer than oil, but they are sharp. Turn to the Lord thy sorrow, and that one shall feed thee, not giving in the age of the righteous voice. Thou, O God, hast brought down my soul into a dry well. Men of blood and guile will not have days of their own: I however hope on thee.