Къ тебѣ̀ пречтⷭ҇ѣй бж҃їей мт҃ри а҆́зъ ѻ҆каѧ́нный припа́даѧ молю́сѧ: вѣ́си, цр҃и́це, ꙗ҆́кѡ безпреста́ни согрѣша́ю и҆ прогнѣвлѧ́ю сн҃а твоего̀ и҆ бг҃а моего̀, и҆ мно́гажды а҆́ще ка́юсѧ, ло́жъ пред̾ бг҃омъ ѡ҆брѣта́юсѧ, и҆ ка́юсѧ трепе́щѧ: не ѹ҆же́ли гдⷭ҇ь порази́тъ мѧ̀, и҆ по часѣ̀ па́ки та̑ѧжде творю̀. Вѣ́дꙋщи сїѧ̑, влⷣчце моѧ̀ гпⷭ҇жѐ бцⷣе, молю̀, да поми́лꙋеши, да ѹ҆крѣпи́ши, и҆ бл҃га̑ѧ твори́ти да пода́си мѝ. Вѣ́си бо, влⷣчце моѧ̀ бцⷣе, ꙗ҆́кѡ ѿню́дъ и҆́мамъ въ не́нависти ѕла̑ѧ моѧ̑ дѣла̀, и҆ все́ю мы́слїю люблю̀ зако́нъ бг҃а моегѡ̀: но не вѣ́мъ, гпⷭ҇жѐ пречтⷭ҇аѧ, ѿкꙋ́дꙋ ꙗ҆̀же ненави́ждꙋ, та̑ и҆ люблю̀, а҆ бл҃га̑ѧ престꙋпа́ю. Не попꙋща́й, пречтⷭ҇аѧ, во́ли мое́й соверша́тисѧ, не ѹ҆го́дна бо є҆́сть: но да бꙋ́детъ во́лѧ сн҃а твоегѡ̀ и҆ бг҃а моегѡ̀: да мѧ̀ сп҃се́тъ, и҆ вразꙋми́тъ, и҆ пода́стъ бл҃года́ть ст҃а́гѡ д¦а, да бы́хъ а҆́зъ ѿсе́лѣ преста́лъ сквернодѣ́йства, и҆ про́чее пожи́лъ бы́хъ въ повелѣ́нїи сн҃а твоегѡ̀, є҆мꙋ́же подоба́етъ всѧ́каѧ сла́ва, че́сть и҆ держа́ва, со безнача́льнымъ є҆гѡ̀ ѻ҆ц҃е́мъ, и҆ прест҃ы́мъ, и҆ бл҃ги́мъ, и҆ животворѧ́щимъ є҆гѡ̀ д¦омъ, ны́нѣ и҆ при́снѡ, и҆ во вѣ́ки вѣкѡ́въ. Ґми́нь.
To Thee, O Most Pure Mother of God, with deep compunction I fall down before Thee in prayer: Remember me, O Queen, for I have sinned exceedingly and provoked Thy wrath and the wrath of my God many times over. I confess again today, trembling in heart: Will not the Lord punish me? And yet again I sin. Knowing this, O my Lady Theotokos, I beseech Thee, that Thou wouldst forgive me, strengthen me, and grant me to do good deeds. For indeed, O my Lady Theotokos, though I hate with all my soul the works of my wickedness, and love with all my heart Thy Law; yet I know not from whence cometh this hatred, nor wherefore I love it, but in doing evil I sin. Do not allow, O Most Pure One, that my will accomplish such deeds, for it is not meet: But let Thy will and the will of my God be done, that Thou wouldst save me, enlighten me, and grant me eternal life, so that henceforth I may cease from all evil deeds and live in obedience to Thee, which is fitting for every glory, honor, and good, and the abiding house of Thy Son, now and ever, and unto the ages of ages. Amen.