Ви́дѣвше ѻ҆́троцы є҆вре́йстїи во ѡ҆́бразѣ человѣ́честѣмъ созда́вшаго рꙋко́ю человѣ́ка, и҆ влⷣкꙋ разꙋмѣ́вше є҆го̀, потща́шасѧ вѣ́твьми ѹ҆годи́ти є҆мꙋ̀, ѡ҆са́нна вопїю́ще. Мы́ же пѣ́снь прино́симъ тѝ глаго́люще:
І҆и҃се, бж҃е и҆́стинный:
І҆и҃се, сн҃е дв҃довъ.
І҆и҃се, цр҃ю̀ пресла́вный:
І҆и҃се, ѓгнче непоро́чный.
І҆и҃се, па́стырю преди́вный:
І҆и҃се, храни́телю во мла́дости мое́й.
І҆и҃се, корми́телю во ю҆́ности мое́й:
І҆и҃се, похвало̀ въ ста́рости мое́й.
І҆и҃се, наде́ждо въ сме́рти мое́й:
І҆и҃се, животѐ по сме́рти мое́й.
І҆и҃се, ᲂу҆тѣше́нїе моѐ на судЁ твое́мъ:
І҆и҃се, жела́нїе моѐ, не посрамѝ менє̀ тогда̀.
І҆и҃се сн҃е бж҃їй, поми́лꙋй мѧ̀.