Песнь 1. Ирмос:
Воскресения день, просвети́мся, людие: Пасха, Господня Пасха: от смерти бо к жизни и от земли к небеси Христос Бог нас преведе́ победную поющыя.
Тропари:
1. Очистим чувствия, и у́зрим неприступным светом воскресения Христа блистающася и, радуйтеся рекуща, ясно да услышим, победную поюще.
2. Небеса убо достойно да веселятся, земля же да радуется, да празднует же мир, видимый же весь и невидимый: Христос бо воста, веселие вечное.
Песнь 3. Ирмос:
Приидите, пиво пие́м новое, не от камене неплодна чудодеемое, но нетления источник из гроба одождивша Христа, в Немже утверждаемся.
Тропари:
1 Ныне вся исполнишася света, небо же и земля и преисподняя: да празднует убо вся тварь востание Христово, в Немже утверждается.
2. Вчера спогребохся Тебе, Христе, совостаю́ днесь воскресшу Тебе: сраспинахся Тебе вчера: Сам мя спрослави, Спа́се, во царствии Твоем.
Ипакои, глас 4:
Предварившыя утро яже о Марии и обретшыя камень отвале́н от гроба, слышаху от Ангела: во свете присносущнем Сущаго, с мертвыми что ищете, яко человека? видите гро́бныя пелены́: тецыте и миру проповедите, яко воста Господь, умертвивый смерть, яко есть Сын Бога, спасающаго род человеческий.
Песнь 4. Ирмос:
На божественней стражи богоглаголивый Аввакум да станет с нами и покажет светоносна Ангела, ясно глаголюща: днесь спасение миру, яко воскресе Христос, яко всесилен.
Тропари:
1. Мужеский убо пол, яко разве́рзый девственную утробу, явися Христос: яко человек же, агнец наречеся: непорочен же, яко невку́сен скверны, наша Пасха: и яко Бог истинен, совершен речеся.
2. Яко единолетный агнец, благословенный нам венец Христос, волею за всех заклан бысть, Пасха чистительная: и паки из гроба красное правды нам возсия Солнце.
3. Богоотец убо Давид пред се́нным ковчегом скакаше играя, людие же Божии святии, образо́в сбытие́ зряще, веселимся божественне, яко воскресе Христос, яко всесилен.
Песнь 5. Ирмос:
Утренюем утреннюю глубоку́, и вместо мира песнь принесем Владыце, и Христа у́зрим правды Солнце, всем жизнь возсияюща.
Тропари:
1. Безмерное Твое благоутробие адовыми у́зами содержи́мии зряще, к свету идяху, Христе, веселыми ногами, Пасху хва́ляще вечную.
2. Приступим свещено́снии, исходящу Христу из гроба, яко жениху, и спразднуим любопра́зднственными чи́нми Пасху Божии спасительную. С светильниками в руках пойдем в сретение Христу, исходящему из гроба, как жениху, и с радостно празднующими чинами (Ангелов) будем праздновать спасительную Божию Пасху.
Песнь 6. Ирмос:
Снизшел еси в преисподняя земли́ и сокрушил еси вереи́ вечныя, содержащыя связанныя, Христе, и тридневен, яко от ки́та Иона, воскресл еси от гроба.
Тропари:
1. Сохранив це́ла знамения, Христе, воскресл еси от гроба, ключи Девы не вредивый в рождестве Твоем, и отверзл еси нам райския двери.
2. Спа́се мой, живое же и нежертвенное заколение, яко Бог, Сам Себе волею привед Отцу, совоскресил еси всероднаго Адама, воскрес от гроба.
Не повредивший заключенной (утробы) Девы в рождении Твоем, Христе, Ты восстал из гроба, сохранив целыми печати, и отверз нам двери рая.
Спаситель мой, живая и, как Бог, незакалаемая жертва! Добровольно приведши Себя к Отцу, Ты, восстав из гроба, воскресил вместе и родоначальника Адама (Лк.23:46, Рим.6:4-5).
Кондак, глас 8:
Аще и во гроб снизшел еси, Безсмертне, но адову разруши́л еси силу и воскресл еси яко победитель, Христе Боже, жена́м мироносицам вещавый: радуйтеся! и Твоим Апостолом мир да́руяй, падшым подая́й воскресение.
Икос:
Еже прежде солнца Солнце, зашедшее иногда во гроб, предвариша ко у́тру ищущыя яко дне мироносицы девы, и друга́ ко друзей вопия́ху: о други́ни, приидите, воня́ми помажем тело живоносное и погребенное, плоть Воскресившаго падшаго Адама, лежащую во гробе. И́дем, потщимся, якоже волсви́, и поклони́мся, и принесем мира, яко да́ры, не в пелена́х, но в плащанице обви́тому, и пла́чим, и возопии́м: о Владыко, востани, падшым подая́й воскресение.
— Солнце, прежде солнца существовавшее, зашедшее некогда во гроб, еще до наступления утра искали, как света дневного, мироносицы-девы и говорили одна другой: подруги! пойдем, помажем благовониями тело, источающее жизнь и погребенное, лежащую во гробе плоть Того, Который воскресил падшего Адама. Пойдем, поспешим, как волхвы, поклонимся, и принесем миро, как дары, не пеленами, а плащаницею обвитому, прольем слезы и возгласим: о, Владыка! восстань, даруя падшим воскресение.-
Воскресение Христово видевше… (См. выше).
Воскрес Иисус от гроба, якоже прорече, даде́ нам живот вечный и велию милость.
Песнь 7. Ирмос:
Отроки от пе́щи избавивый, быв человек, страждет яко смертен, и страстию смертное в нетления облачи́т благолепие, един благословен отцев Бог и препрославлен.
Тропари:
1. Жены́ с миры богомудрыя вслед Тебе течаху: Егоже яко ме́ртва со слезами искаху, поклонишася радующыяся живому Богу, и Пасху тайную Твоим, Христе, учеником благовести́ша.
2. Смерти празднуем умерщвление, адово разрушение, ино́го жития вечнаго начало, и играюще поем виновнаго, единаго благословеннаго отцев Бога и препрославленнаго.
3. Яко воистинну священная и всепра́зднственная сия спасительная нощь, и светозарная, светоноснаго дне востания сущи провозвестница, в нейже безлетный Свет из гроба плотски всем возсия.
Песнь 8. Ирмос:
Сей нареченный и святый день, един суббот царь и господь, праздников праздник и торжество есть торжеств: воньже благослови́м Христа во веки.
Тропари:
1. Приидите, новаго винограда рождения, божественнаго веселия, в наро́читом дни воскресения, царствия Христова приобщимся, поюще Его яко Бога во веки. Придите, в славный день воскресения приобщимся новаго винограднаго плода, божественнаго веселия, царства Христова, воспевая Его, как Бога, во веки.
2. Возведи окрест очи твои, Сионе, и виждь: се бо приидоша к тебе, яко богосветлая светила, от запада и севера и моря и востока чада твоя, в тебе благословя́щая Христа во веки.
3. Отче Вседержителю, и Слове, и Ду́ше, треми́ соединяемое во ипоста́сех естество, пресу́щественне и пребожественне, в Тя крестихомся, и Тя благослови́м во вся веки.
Песнь 9-я
Припев первый: Величит душа моя воскресшаго тридневно от гроба Христа Жизнодавца.
Ирмос:
Светися, светися, новый Иерусалиме, слава бо Господня на тебе возсия: ликуй ныне и веселися, Сионе. Ты же чистая красуйся, Богородице, о востании Рождества Твоего.
Припев второй: Величит душа моя волею страдавша, и погребена, и воскресшаго тридневно от гроба.
Тропари:
1. О божественнаго, о любезнаго, о сладчайшаго Твоего гласа! с нами бо неложно обещался еси быти до скончания века, Христе: Егоже вернии утверждение надежды имуще, радуемся. О, как божественно, любезно и пресладостно слово Твое, Христе! Ты обещался неложно быть с нами до кончины века; имея это опорою надежды, мы, верные, радуемся (Мф.28:20).
Припев третий: Христос новая Пасха, жертва живая, Агнец Божий, взе́мляй грехи мира.
2. О Пасха велия и священнейшая, Христе! о мудросте, и Слове Божий, и си́ло! подавай нам и́стее Тебе причащатися в невечернем дни царствия Твоего.
Припев четвертый: Ангел вопия́ше Благодатней: чистая Дево, радуйся! и паки реку: радуйся! Твой Сын воскресе тридневен от гроба, и мертвыя воздвигнувый: людие, веселитеся.
Светися, светися… (См. выше).
Экзапостиларий:
Плотию уснув яко мертв, Царю и Господи, тридневен воскресл еси, Адама воздвиг от тли и упразднив смерть: Пасха нетления, мира спасение.
Стихиры Пасхи.
Да воскреснет Бог, и расточа́тся врази́ Его.
Пасха священная нам днесь показася: Пасха но́ва, святая: Пасха та́инственная: Пасха всечестна́я: Пасха Христос Изба́витель: Пасха непорочная: Пасха великая: Пасха верных: Пасха двери райския нам отверзающая: Пасха всех освящающая верных.
Яко исчезает дым, да исчезнут.
Приидите от видения, жены благовестницы, и Сиону рцыте: приими от нас радости благовещения, воскресения Христова: красуйся, ликуй и радуйся, Иерусалиме, Царя Христа узрев, из гроба яко жениха происходяща.
Тако да погибнуть грешницы от лица Божия, а праведницы да возвеселятся.