(Кафизма 17)
Статья 1
Благословен еси, Господи, научи мя оправданием Твоим.
Блажени непорочнии в путь, ходящии в законе Господни.
Жизнь во гробе положи́лся еси, Христе, и ангельская воинства ужасахуся, снизхождение славяще Твое.
Блажени испытающии свидения Его, всем сердцем взыщут Его.
Животе́, како умираеши? како и во гробе обитаеши? смерти же царство разрушаеши, и от ада мертвыя возставляеши?
Не делающии бо беззакония в путе́х Его ходиша.
Величаем Тя, Иисусе Царю, и чтем погребение и страдания Твоя, имиже спасл еси нас от истления.
Ты заповедал еси заповеди Твоя сохранити зело.
Меры земли́ положи́вый, в малом обитаеши, Иисусе Всецарю, гробе днесь, от гробо́в мертвыя возставляяй.
Слава: Воспеваем, Слове, Тебе, всех Бога, со Отцем и Святым Твоим Духом, и славим Божественное Твое погребение.
И ныне: Блажим Тя, Богородице чистая, и почитаем тридневное погребение Сына Твоего и Бога нашего верно.
Статья 2
Достойно есть величати Тя Жизнодавца, на кресте ру́це простершаго и сокру́шшаго державу вражию.
Ру́це Твои сотвористе мя и создасте мя: вразуми мя, и научуся заповедем Твоим.
Достойно есть величати Тя всех Зиждителя: Твоими бо страданьми имамы безстрастие, избавльшеся тления.
Боящиися Тебе у́зрят мя и возвеселятся, яко на словеса Твоя уповах.
Ужасе́ся земля, и солнце, Спа́се, скрыся, Тебе невечернему свету, Христе, зашедшу во гробе плотски.
Слава: Безначальне Боже, соприсносущне Слове и Ду́ше Святый, скиптр православнаго императора укрепи на ратныя, яко благ.
И ныне: Жизнь рождшая, пренепорочная чистая Дево, утоли церковныя соблазны, и подаждь мир, яко благая.
Статья 3
Ро́ди вси песнь погребению Твоему приносят, Христе мой.
При́зри на мя и помилуй мя, по суду любящих имя Твое.
Снем с древа иже от Аримафеа, плащаницею обвив, во гробе Тя погребает.
Стопы моя направи по словеси Твоему, и да не обладает мною всякое беззаконие.
Мироносицы приидоша, мира Тебе, Христе мой, носящыя премудро.
Избави мя от клеветы человеческия, и сохраню заповеди Твоя.
Гряди́, вся тварь, песни исходныя принесем Зиждителю.
Слава: О Троице, Боже мой, Отче, Сыне и Ду́ше, помилуй мир.
И ныне: Видети Твоего Сына воскресение, Дево, сподоби Твоя рабы.
Благословен еси, Господи… Ангельский собор… (См. выше).
За погребальными песнями следует канон, изображающий смятение неба и земли при виде Господа, лежащего во гробе.