Прокимен (псалом 7), глас 6: Го́споди Бо́же мо́й, на Тя́ упова́х,/ спаси́ мя.
Стих: От все́х гоня́щих мя́ изба́ви мя́.
Прокимен (псалом 7), глас 6: Го́споди, Бо́же мой, я возложи́л наде́жду на Тебя́, спаси́ меня́!
Стих: От всех гони́телей мои́х изба́вь меня́!
Бытия́ чте́ние (Быт.1:14–23).
Рече́ Бог, да бу́дут свети́ла на тве́рди небе́сней, освеща́ти зе́млю, и разлуча́ти между́ дне́м, и между́ но́щию: и да бу́дут в зна́мения, и во времена́, и во дни, и в ле́та. И да бу́дут в просвеще́ние на тве́рди небе́сней, я́ко свети́ти по земли́: и бысть та́ко. И сотвори́ Бог два свети́ла вели́кая: свети́ло вели́кое в нача́ла дне, и свети́ло ме́ньшее в нача́ла но́щи, и зве́зды. И положи́ я́ Бог на тве́рди небе́сней, я́ко свети́ти на зе́млю, и владе́ти днем и но́щию, и разлуча́ти между́ све́том и между́ тьмо́ю. И ви́де Бог я́ко добро́. И бысть ве́чер, и бысть у́тро, день четве́ртый. И рече́ Бог: да изведу́т во́ды га́ды душ живы́х, и пти́цы лета́ющия по земли́, по тве́рди небе́сней: и бысть та́ко. И сотвори́ Бог ки́ты вели́кия, и вся́ку ду́шу живо́тных гадо́в, я́же изведо́ша во́ды по родо́м их, и вся́ку пти́цу перна́ту по ро́ду: и ви́де Бог, я́ко добра́. И благослови́ я́ Бог, глаго́ля: расти́теся, и мно́житеся, и напо́лните во́ды, я́же в моря́х: и птицы да умно́жатся на земли́. И бысть ве́чер, и бысть у́тро, день пя́тый.
Чтение Бытия [1:14–23]
Сказал Бог: «Да будут светила на тверди небесной, чтобы освещать землю и отделять день от ночи, и да будут для знамений и для определения времён, и дней, и лет, и да будут светом на тверди небесной, чтобы светить на землю». И стало так. И сотворил Бог два больших светила: светило большое для управления днём, и светило меньшее для управления ночью, и звёзды. И поместил их Бог на тверди небесной, чтобы светить на землю, и управлять днем и ночью, и отделять свет от тьмы. И увидел Бог, что это хорошо. И был вечер, и было утро: день четвёртый. И сказал Бог: «Да изведут воды пресмыкающихся с душами живыми и птиц, летающих над землёй по тверди небесной». И стало так. И сотворил Бог больших животных морских и всякую душу живых пресмыкающихся, которых извели воды, по родам их, и всякую птицу пернатую по роду. И увидел Бог, что они хорошѝ. И благословил их Бог, говоря: «Возрастайте, и размножайтесь, и наполняйте воды морские, и птицы да размножаются на земле». И был вечер, и было утро: день пятый.
Прокимен (псалом 8), глас 5: Го́споди, Госпо́дь на́ш,/ я́ко чу́дно и́мя Твое́ по все́й земли́.
Стих: Я́ко взя́тся великоле́пие Твое́ превы́ше небе́с.
Прокимен (псалом 8), глас 5: Го́споди, Го́споди наш, как удиви́тельно и́мя Твоё для всей земли́!
Стих: Вели́чие Твоё вознесено́ превы́ше не́ба!
При́тчей чте́ние (Притч.1:20–33).
Прему́дрость во исхо́дех пое́тся, в сто́гнах же дерзнове́ние во́дит. На кра́ех же стен пропове́дуется, у врат же си́льных приседи́т, во врате́х же гра́да дерза́ющи глаго́лет. Ели́ко у́бо вре́мя незло́бивии держа́тся пра́вды, не постыдя́тся: безу́мнии же, досады су́ще жела́телие, нечести́вии бы́вше возненави́деша чу́вство, и пови́нни бы́ша обличе́нием. Се предложу́ вам моего́ дыха́ния рече́ние: научу́ же вас моему́ словеси́. Поне́же звах, и не послу́шасте, и простира́х словеса́, и не внима́сте, но отмета́сте моя сове́ты, и моим обличе́нием не внима́сте. У́бо и аз ва́шей поги́бели посмеюся, пора́дуюся же, егда́ прии́дет вам па́губа. И егда́ прии́дет на вы внеза́пу мяте́ж, низвраще́ние же подо́бно бу́ри прии́дет: или́ егда́ прии́дет вам печа́ль и градоразоре́ние, или́ егда́ на́йдет на вы па́губа. Бу́дет бо, егда́ призове́те мя, аз же не послу́шаю вас: взы́щут мене́ зли́и, и не обря́щут. Возненави́деша бо прему́дрость, словесе́ же Госпо́дня не прия́ша, ниже́ хоте́ша внима́ти мои́м сове́том, руга́хуся же мои́м обличе́нием. Те́мже снедя́т свои́х путе́й плоды́, и своего́ нече́стия насы́тятся. И́бо, зане оби́деша младе́нцев, убие́ни бу́дут, и истяза́ние нечести́выя погуби́т. Мене́ же слу́шаяй всели́тся на упова́нии, и почи́ет без стра́ха от вся́каго зла.
Чтение книги Притч [1:20–33]
Премудрость воспевается на улицах, на площадях ведёт она смелую речь. На краях городских стен проповедуется, восседает при вратах правителей, во вратах же города дерзновенно говорит: «Пока невинные живут по правде — не постыдятся; безумцы же, любящие насилие, и нечестивые возненавидели знание и поэтому заслужили обвинение. Вот, я подарю вам моего дыхания речь, преподам вам моё слово, так как я звала, и вы не послушали; продолжала речи, и вы не внимали, но отвергли мои советы, обличениям моим не вняли. Поэтому и я посмеюсь при вашей погибели, порадуюсь, когда придёт на вас пагуба. И когда внезапно постигнет вас мятеж, настанет страшное бедствие, подобно буре, когда придёт к вам скорбь и притеснение, тогда будете звать меня, и я не услышу вас; будут искать меня злые, и не найдут. Так как они возненавидели премудрость и страха Господня не приняли, не хотели внимать советам моим, а обличения мои осмеяли. Поэтому они будут вкушать плоды пути своего и насыщаться нечестием своим. Так как они обижали младенцев, будут убиты, и наказание Божие погубит нечестивых. Слушающий же меня будет жить в надежде и покое, не боясь никакого зла».