Гдⷭ҇и вседержи́телю, бж҃е ѻ҆тє́цъ на́шихъ, а҆враа́мовъ, и҆ і҆саа́ковъ, и҆ і҆а́кѡвль, и҆ сѣ́мене и҆́хъ пра́веднагѡ: сотвори́вый нб҃о и҆ зе́млю со все́ю лѣ́потою и҆́хъ, свѧза́вый мо́ре сло́вомъ повелѣ́нїѧ твоегѡ̀, заключи́вый бе́зднꙋ, и҆ запеча́тствовавый ю҆̀ стра́шнымъ и҆ сла́внымъ и҆́менемъ твои́мъ, є҆го́же всѧ̑ боѧ́тсѧ, и҆ трепе́щꙋтъ ѿ лица̀ си́лы твоеѧ̀ ꙗ҆́кѡ непостоѧ́нно великолѣ́пїе сла́вы твоеѧ̀ , и҆ не стерпи́мь гнѣ́въ, є҆́же на грѣ́шники преще́нїѧ твоегѡ̀. безмѣ́рна же и҆ неизслѣ́дованна ми́лость ѡ҆бѣща́нїѧ твоегѡ̀: ты́ бо є҆сѝ гдⷭ҇ь вы́шнїй, бл҃гоꙋтро́бенъ. долготерпѣли́въ и҆ многоми́лостивъ, и҆ ка́ѧйсѧ ѡ҆ ѕло́бахъ человѣ́ческихъ. ты̀ гдⷭ҇и, по мно́жествꙋ бл҃гости твоеѧ̀, ѡ҆бѣща́лъ є҆сѝ покаѧ́нїе и҆ ѡ҆ставле́нїе согрѣши́вшымъ тебѣ̀, и҆ мно́жествомъ щедро́тъ твои́хъ, ѡ҆предѣли́лъ є҆сѝ покаѧ́нїе грѣ́шникѡмъ во сп҃се́нїе. ты̀ ѹ҆́бѡ гдⷭ҇и бж҃е си́лъ, не положи́лъ є҆сѝ покаѧ́нїе пра́вєднымъ, а҆враа́мꙋ и҆ і҆саа́кꙋ и҆ і҆а́кѡвꙋ, не согрѣши́вшымъ тебѣ̀. но положи́лъ є҆сѝ покаѧ́нїе на мнѣ̀ грѣ́шнѣмъ: занѐ согрѣши́хъ па́че числа̀ песка̀ морска́гѡ. ѹ҆мно́жишасѧ беззакѡ́нїѧ моѧ̑, гдⷭ҇и, ѹ҆мно́жишасѧ беззакѡ́нїѧ моѧ̑: и҆ нѣ́смь досто́инъ воззрѣ́ти, и҆ ви́дѣти высотꙋ̀ нбⷭ҇нꙋю ѿ мно́жества непра́вдъ мои́хъ. слѧ́ченъ є҆́смь мно́гими ѹ҆́зами желѣ́зными, во є҆́же не возвестѝ главы̀ моеѧ̀, и҆ нѣ́сть мѝ ѡ҆слабле́нїѧ: занѐ прогнѣ́вахъ ꙗ҆́рость твою̀, и҆ лꙋка́вое пред̾ тобо́ю сотвори́хъ, не сотвори́вый во́ли твоеѧ̀, и҆ не сохрани́вый повелѣ́нїй твои́хъ. и҆ ны́нѣ приклонѧ́ю колѣ̑на се́рдца, тре́бꙋѧ ѿ тебѐ бла́гости: согрѣши́хъ гдⷭ҇и, согрѣши́хъ, и҆ беззакѡ́нїѧ моѧ̑ а҆́зъ вѣ́мъ: но прошꙋ̀ молѧ́сѧ, ѡ҆сла́би мѝ гдⷭ҇и, ѡ҆сла́би мѝ, и҆ не погꙋбѝ менѐ со беззако́ньми мои́ми. нижѐ въ вѣ́къ враждова́въ соблюде́ши ѕѡ́лъ мои́хъ, нижѐ ѡ҆сꙋ́диши мѧ̀ въ преиспо́днихъ землѝ. занѐ ты̀ є҆сѝ бж҃е, бг҃ъ ка́ющихсѧ, и҆ на мнѣ̀ ꙗ҆ви́ши всю̀ бл҃гость твою̀, ꙗ҆́кѡ недосто́йна сꙋ́ща сп҃се́ши мѧ̀, по мно́зѣй ми́лости твое́й, и҆ восхвалю́ тѧ вы́нꙋ во дне́хъ живота̀ моегѡ̀: ꙗ҆́кѡ тѧ̀ пое́тъ всѧ̀ си́ла нбⷭ҇наѧ, и҆ твоѧ̀ є҆́сть сла́ва во вѣ́ки вѣкѡ́въ, а҆ми́нь.
O All-powerful Lord, God, Father Abraham, Isaac, and Jacob, and seed of theirs: Thou who didst create the heavens and earth with all their beauty, and by Thy word didst bind the sea, and didst shut up the abyss, and didst seal it with Thine awesome and glorious Name, before which all bow down and tremble at the sight of Thy great glory; we shall not endure Thine anger, which Thou hast poured out upon sinners. O unmeasurable and unfathomable mercy promised to us: for Thou art the Lord on high, full of compassion. Long-suffering and most merciful, bearing with our sins. Thou, O Lord, by Thy great goodness, didst promise repentance and remission of sins to those who come to Thee; and by Thy abundant grace, Thou hast appointed repentance for sinners for their salvation. But, O Lord, Thou dost not impose repentance upon the righteous Abraham, Isaac, and Jacob, who have not sinned against Thee. Yet Thou didst impose it upon me, a sinner: for I have sinned more than the sands of the sea. My iniquities are multiplied, O Lord, my iniquities are multiplied: and I am not worthy to behold or see the height of Thy heavenly glory from the multitude of my unrighteousnesses. I have been smitten with many iron fetters, whereby I cannot lift up my head; and there is no weakness in me: for I provoked Thine anger, and did evil before Thee, not doing Thy will nor keeping Thy commandments. And now I humbly beseech Thee of Thy goodness: for I have sinned, and I know the iniquities of mine own soul. But pray for me, strengthen me, O Lord, do not destroy me with my iniquities. Even to the end of time Thou hast kept watch over my soul, even judging me in the depths of the earth. For Thou art the Lord of those who repent, and on me didst Thou manifest all Thy goodness; for unworthy as I am, Thou hast saved me by Thine abundant mercy, and I will praise Thee throughout my life: for all power belongeth to Thee, O Lord, and Thy glory shall be for ever and ever. Amen.