Поми́лꙋй на́съ гдⷭ҇и, поми́лꙋй на́съ, всѧ́кагѡ бо ѿвѣ́та недоꙋмѣ́юще, сїю́ ти мл҃твꙋ ꙗ҆́кѡ вLцѣ грѣ́шнїи прино́симъ: поми́лꙋй на́съ.
Сла́ва: ЧCтно́е прbро́ка твоегѡ̀ гдⷭ҇и торжество̀, нб҃о цр҃ковь показа̀, съ человѣ́ки ликꙋ́ютъ а҆́гг҃ли. тогѡ̀ мл҃твами хрⷭ҇тѐ бж҃е, въ ми́рѣ ѹ҆пра́ви живо́тъ на́шъ, да пое́мъ тѝ: а҆ллилꙋ́їа.
И҆ ны́нѣ: Мнѡ́гаѧ мно́жєства мои́хъ, бцⷣе, прегрѣше́нїй: къ тебѣ̀ прибѣго́хъ чⷭ҇таѧ, сп҃се́нїѧ тре́бꙋѧ. посѣтѝ немощствꙋ́ющꙋю мою̀ дꙋ́шꙋ, и҆ молѝ сн҃а твоего̀ и҆ бг҃а на́шего, да́ти мѝ ѡ҆ставле́нїе, ꙗ҆̀же содѣ́ѧхъ лю́тыхъ, є҆ди́на бл҃гослове́ннаѧ.
Та́же, Гдⷭ҇и поми́лꙋй, м҃.
҆҆ И҆ покло́нѡвъ, є҆ли́кѡ мо́щно, съ мл҃твою ст҃а́гѡ є҆фре́ма:
Гдⷭ҇и и҆ вLко живота̀ моегѡ̀, дꙋ́хъ пра́здности, ѹ҆ны́нїѧ, любонача́лїѧ и҆ праздносло́вїѧ не да́ждь мѝ. Покло́нъ.
Дꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀. Покло́нъ.
Є҆́й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. Покло́нъ.
҆҆ Посе́мъ глаго́ли мл҃твꙋ сїю̀ со внима́нїемъ:
Многомлⷭ҇тиве и҆ премлⷭ҇тиве гдⷭ҇и, и҆ всегѡ̀ добра̀ да́телю чл҃вѣколю́бче, и҆ всеѧ̀ вселе́нныѧ цр҃ю̀ многоимени́тый, вLко и҆ гдⷭ҇и, ни́щъ и҆ ѹ҆бо́гъ є҆́смь а҆́зъ, дерза́ю призыва́ти чꙋ́дное и҆ стра́шное и҆ ст҃о́е и҆́мѧ твоѐ, є҆гѡ́же всѧ̀ тва́рь нбⷭ҇ныхъ си́лъ
стра́хомъ трепе́щꙋтъ: ни́зꙋ на землѝ неизрече́ннагѡ твоегѡ̀ чл҃вѣколю́бїѧ смотре́нїе ѹ҆диви́лъ є҆сѝ, посла́нїемъ возлю́бленнагѡ твоегѡ̀ ѻ҆́трока. є҆го́же ѿ безнача́льныхъ нѣ́дръ твоеѧ̀ ѻ҆§ескїѧ сла́вы, неразлꙋ́чнымъ бж҃ество́мъ ѿры́гнꙋлъ є҆сѝ, да человѣ́ки со а҆́гг҃лы во
є҆ди́нъ соста́въ ѹ҆стро́итъ. Помѧнѝ, гдⷭ҇и, моегѡ̀ ѹ҆ны́нїѧ смире́нїе: ка́лъ сы́й и҆ пе́рсть, тебѐ неизглаго́ланнаго свѣ́та призыва́ю, не́мощїю пло́ти ѡ҆бложе́нъ, ю҆́же млⷭ҇тивнѣ сло́во твоѐ понесѐ, и҆ сме́ртїю свое́ю ѿ рабо́ты вра́жїѧ свободи́лъ є҆́сть дꙋ́шы на́шѧ, да ѻ҆́бщники
всѧ̑, и҆̀же вѣ́рою ꙗ҆ре́мъ рабо́ты твоеѧ̀ на сѧ̀ взе́мшыѧ, сла́вы твоеѧ̀ сподо́битъ и҆̀хъ, ѿ неѧ́же сатана̀ льсти́вый ѿпадѐ. Поми́лꙋй мѧ̀ ѡ҆мраче́ннаго грѣхо́вными по́мыслы, возведѝ ѹ҆́мъ мо́й ѹ҆да́вленный те́рнїемъ лѣ́ности, и҆ лѧди́ною непоко́рства: ѹ҆твердѝ се́рдце моѐ по тебѣ̀
горѣ́ти, ѻ҆чи́ма мои́ма и҆сто́чникъ сле́зъ послѝ, и҆ на коне́цъ и҆схо́да дꙋшѝ моеѧ̀, сотвори́ мѧ безпоро́чна твоего̀ ѹ҆го́дника, наставлѧ́ѧ мѧ̀ къ тебѣ̀ подвиза́тисѧ ѹ҆се́рднѡ. Помѧнѝ гдⷭ҇и, роди́тели моѧ̑ млⷭ҇рдїемъ твои́мъ, и҆ всѧ̑ бли̑жнїѧ моѧ̑, и҆ бра́тїю, и҆ дрꙋ́ги,
и҆ сосѣ́ды, и҆ всѧ̑ правосла̑вныѧ хрⷭ҇тїа́ны, и҆ сп҃си́ мѧ мл҃твами всѣ́хъ ст҃ы́хъ: и҆ прїимѝ въ че́сть сїѧ̑ ѱалмы̀ и҆ мл҃твы, ꙗ҆̀же глаго́лахъ пред̾ тобо́ю за сѧ̀, и҆ не ме́рзко тѝ бꙋ́ди съ воздыха́нїемъ моле́нїе сїѐ, ꙗ҆́кѡ млⷭ҇тивъ сы́й и҆ чл҃вѣколю́бецъ, и҆ тебѐ безнача́льнаго
ѻ҆ц҃а̀ сла́вимъ, со є҆диноро́днымъ твои́мъ сн҃омъ, и҆ со ст҃ы́мъ д¦омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.