Тропарь.
Яко Апостолом единонравнии и Словенских стран учи́телие, Кирилле и Мефодие богомудрии, Владыку всех моли́те, вся язы́ки Словенския утвердити в православии и единомыслии, умири́ти мир и спасти душы нашя.
Кондак.
Священную дво́ицу просветителей наших почтим, Божественных Писаний преложением источник богопознания нам источи́вших, из негоже даже доднесь неоскудно почерпа́юще, ублажаем вас, Кирилле и Мефодие, престолу Вышняго предстоящих и те́пле моля́щихся о душа́х наших.
Величание.
Величаем вас, святии равноапостольнии Мефодие и Кирилле, вся Словенския страны уче́ньми своими просветившыя и ко Христу приведшыя.