Стра́шный тво́й прⷭ҇то́лъ, лꙋка́вое моѐ житїѐ, и҆ кто́ мѧ и҆зба́витъ тогда́шнїѧ нꙋ́жды, а҆́ще не ты̀ поми́лꙋеши мѧ̀ хрⷭ҇тѐ бж҃е, ꙗ҆́кѡ ще́дръ и҆ чл҃вѣколю́бецъ;
Сла́ва: Попече́нїе житїѧ̀ и҆згна́ мѧ раѧ̀, и҆ что̀ сотворю̀ ѿча́ѧнный; сегѡ̀ ра́ди толкꙋ̀ во врата̀ и҆ зовꙋ̀: гдⷭ҇и гдⷭ҇и, ѿве́рзи мѝ покаѧ́нїемъ, и҆ сп҃си́ мѧ.
И҆ ны́нѣ: Кі́й нарече́мъ хра́мъ тво́й, бцⷣе: приста́нище ли д¦о́вное; и҆лѝ ра́й сла́дости нбⷭ҇ныѧ, хода́тайственъ жи́зни неконча́емыѧ; всѧ̑ бо и҆́маши дѡ́браѧ. всегда̀ моли́сѧ хрⷭ҇тꙋ̀, спасти́сѧ дꙋша́мъ на́шымъ.
҆҆ Гдⷭ҇и поми́лꙋй, м҃. и҆ мл҃тва:
Бж҃е првⷣный и҆ хва́льный, бж҃е вели́кїй и҆ крѣ́пкїй, бж҃е превѣ́чный, ѹ҆слы́ши грѣ́шнагѡ мꙋ́жа мл҃твꙋ въ ча́съ се́й: ѹ҆слы́ши мѧ̀, ѡ҆бѣща́вый ѹ҆слы́шати во и҆́стинѣ тѧ̀ призыва́ющихъ, и҆ не ѡ҆мерзи́ мѧ нечи̑стыѧ ѹ҆стнѣ̀ и҆мꙋ́ща, и҆ во грѣсѣ́хъ содержи́ма,
ѹ҆пова́нїе всѣ́хъ концє́въ землѝ, и҆ стра́нствꙋющихъ дале́че. прїимѝ ѻ҆рꙋ́жїе и҆ щи́тъ, и҆ воста́ни въ по́мощь мою̀, и҆зле́й ме́чь, и҆ заключѝ сопроти́въ гонѧ́щихъ мѧ̀: запретѝ нечи̑стымъ дꙋховѡ́мъ ѿ лица̀ безꙋ́мїѧ моегѡ̀, и҆ да ѿлꙋчи́тсѧ ѿ моеѧ̀ мы́сли дꙋ́хъ не́нависти,
и҆ ѕлопомнѣ́нїѧ, дꙋ́хъ за́висти и҆ ле́сти, дꙋ́хъ боѧ́зни и҆ ѹ҆ны́нїѧ, дꙋ́хъ го́рдости и҆ всѧ́кїѧ и҆ны́ѧ ѕло́бы: и҆ да ѹ҆га́снетъ всѧ́кое разжже́нїе и҆ движе́нїе пло́ти моеѧ̀, ѿ дїа́вольскагѡ дѣ́йства составлѧ́емое, и҆ да просвѣти́тсѧ моѧ̀ дꙋша̀, и҆ тѣ́ло, и҆ дꙋ́хъ свѣ́томъ твоегѡ̀
бж҃е́ственнагѡ позна́нїѧ, да мно́жествомъ щедро́тъ твои́хъ дости́гнꙋ соедине́нїѧ вѣ́ры, въ мꙋ́жа соверше́нна, въ мѣ́рꙋ во́зраста, и҆ просла́влю со а҆́гг҃лы, и҆ всѣ́ми ст҃ы́ми твои́ми, всечⷭ҇тно́е и҆ великолѣ́пое и҆́мѧ твоѐ, ѻ҆ц҃а̀, и҆ сн҃а, и҆ ст҃а́гѡ д¦а, ны́нѣ и҆ при́снѡ, и҆
во вёки вэкHвъ, ґми1нь.