Цр҃ю̀ превѣ́чный, ѹ҆тѣ́шителю хрⷭ҇тѐ и҆́стинный, ѡ҆чи́сти ны̀ ѿ всѧ́кїѧ скве́рны, ꙗ҆́коже ѡ҆чи́стилъ є҆сѝ де́сѧть прокаже́нныхъ: и҆ и҆сцѣли́ ны, ꙗ҆́коже и҆сцѣли́лъ є҆сѝ сребролюби́вꙋю дꙋ́шꙋ закхе́а мытарѧ̀, да вопїе́мъ тѝ во ѹ҆миле́нїи, зовꙋ́ще:
І҆и҃се, сокро́вище нетлённое:
І҆и҃се, бога́тство неистощи́мое.
І҆и҃се, пи́ще крѣ́пкаѧ:
І҆и҃се, питїѐ неисчерпа́емое.
І҆и҃се, ни́щихъ ѡ҆дѣѧ́нїе:
І҆и҃се, вдѡ́въ застꙋпле́нїе.
І҆и҃се, си́рыхъ защи́тниче:
І҆и҃се, трꙋжда́ющихсѧ по́моще.
І҆и҃се, стра́нныхъ наста́вниче:
І҆и҃се, пла́вающихъ ко́рмчїй.
І҆и҃се, бꙋ́рныхъ ѡ҆ти́шїе:
І҆и҃се бж҃е, воздви́гни мѧ̀ па́дшаго.
І҆и҃се сн҃е бж҃їй, поми́лꙋй мѧ̀.