Житие твое, Васи́лие, неложное, и чистота нескверна: Христа ради тело твое изнури́л еси постом и бдением, и мра́зом и теплотою солнечною, и слото́ю, и дожде́вным облаком, и просветися лицѐ твое яко солнце: и ныне приходят к тебе Российстии наро́ди, ца́рие же и кня́зи, и вси людие, прославляюще святое твое успение. Тем Христа Бога моли, да избавит ны от варварскаго пленения и междоусобныя брани, и мир мірови подаст и душа́м нашым велию милость.