Ирмос: Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.
Умилосердися, спаси мя, Сыне Божий, помилуй, беснующыяся словом исцеливый, глас же благоутробный, яко разбойнику, мне рцы: аминь, глаголю тебе, со Мною будеши в раи, егда прииду во славе Моей.
Достойных покаяния плодов не истяжи от мене, ибо крепость моя во мне оскуде. Сердце мне сокрушенное даруй, нищету же духовную, да сия Тебе принесу, яко приятную жертву, Едине Спасе.
Слава Отцу и Сыну и Святому Духу.
Не имам дерзновения, Человеколюбче, воззрети и видети безмерную высоту, согрешив на небо, ни нарещися сын Твой, блудный, но ущедри мя туне, имеяй безмерную милость.
И ныне и присно и во веки веков. Аминь.
Судию, Егоже родила еси, Дево Марие, умоли в час суда мя ущедрити, Чистая, и спасти осужденнаго, едина Предстательнице роду человеческому.