Ирмо́с: Из утро́бы ио́ну младе́нца изблева́ морскíй зве́рь, я́кова́ прия́тъ; в Де́ву же все́льшееся Сло́во и пло́ть прие́мшее про́йде, сохра́ншее нетле́нну: Его́же, бо не пострада́ нетле́ния, Ро́ждшую сохрани́ неврежде́нну.
Святи́телю о́тче Григо́рие, моли́ Бо́га о нас.
Пра́вило доброде́тели, обоже́ное житие́ твое́ ви́дено бы́сть ве́рными вои́стину, Григо́рие, благоче́стия же прави́тель сло́во твое́, и веле́ние, и́ми же свое́ ро́дное и пусторо́дное разсужда́ется, Еди́наго Бо́га пропове́дающе всеси́льна, Еди́наго и Несозда́на.
Святи́телю о́тче Григо́рие, моли́ Бо́га о нас.
Еди́но благоче́стно пропове́дав Божество́, вели́кий на́м яви́ся, Григо́рие, Соста́вми Треми́ Еди́но Естество́ и си́лу, вся́чески Ту́ю Про́сту и Несозда́ну, все́х посрами́л еси́ держа́вне, буесло́вящих [в те́ксте: блядосло́вящихъ] созда́но Божество́.
Святи́телю о́тче Григо́рие, моли́ Бо́га о нас.
Безу́мнаго мудрова́ние облича́еши Акинди́на, я́ко и пре́жде Варла́ма го́рдаго, е́ллинским бо приобщи́вшимся сла́вам, сведо́ша Божество́ в тва́рь, обесче́стивше, я́коже жи́дове пе́рвие, Сы́на Бо́жия досто́инство.
Сла́ва Отц́у и Сы́ну и Свято́му Ду́ху.
Уста́вы приводя́ веле́ний, Григо́рие, и словеса́ све́тла, и́миже отве́рзл еси́ мы́сль честны́х богосло́вец Ду́хом, моли́твами ти́ неподви́жиму соблюди́ Христо́ву, избавля́ющи, Це́рковь от вся́кия е́реси.
И ны́не и при́сно и во ве́ки веко́в. Ами́нь.
Престо́л херуви́мских и все́х небе́сных си́л, Влады́чице, и вся́каго вку́пе го́рняго чи́на вы́шши Ты́ показа́ся, я́ко престо́л неизрече́нен бы́вши Бо́жия Соста́ва, Его́же, я́ко Сы́на Своего́, ми́лостива ми́, ве́рно Тя́ пою́щу, соде́лай.
Го́споди, поми́луй (трижды).