Ирмо́с: Утверди Го́споди на ка́мени за́поведей Твои́х подви́гшееся се́рдце мое, я́ко Еди́н свя́т еси и Госпо́дь.
Преподо́бне о́тче на́ш Паи́сие, моли́ Бо́га о на́с.
А́ще и бо́лен бы́л еси, и мно́гия раны на те́ле име́л еси, но многогно́йныя душе́вныя раны исцели́л еси приходя́щих к тебе: бла́ги́м твои́м обы́чаем, и кро́ткими словесы, о́тче Паи́сие.
Преподо́бне о́тче на́ш Паи́сие, моли́ Бо́га о на́с.
Кре́пко боле́зновал еси те́лом, зане исходя глаго́лал еси: уготовля́юся на сме́рть, егда исхожду в це́рковь, зане не ве́м, возвращу́ся ли здра́в, или на пути пости́гнет мя сме́рть.
Сла́ва Отцу́ и Сы́ну и Свято́му Ду́ху.
При́сный е́сть обы́чай свя́ты́х, ели́ко приближа́тися им к Бо́гу, толи́ко мно́жае глаго́лати: еще не око́нчах, еще не гото́в е́смь, до́ндеже всесоверше́нно ду́шу свою преда́ше в ру́це Бо́жии: те́мже и ты, о́тче, а́ще и соверше́н бы́л еси, но всегда гото́вился еси, моли, да спа́су́ся твои́ми моли́твами.
И ны́не и при́сно и во ве́ки веко́в. Ами́нь.
Свята́я свя́ты́х Богоро́дице Де́во, моли́ся Сы́ну Твоему Христу Бо́гу на́шему, да подража́тели бы́вше им, насле́дим угото́ванное на́м о сложе́ния ми́ра, сла́вяще тя, Присноде́ву.
Господи, помилуй (трижды).