Ирмо́с: Помо́щник и покрови́тель бы́сть мне во спасе́ние: се́й мо́й Бо́г, и просла́влю его, Бо́г отца моего, и вознесу его: сла́вно бо просла́вися.
Припе́в: Преподо́бне о́тче на́ш Паи́сие, моли́ Бо́га о на́с.
Исто́чник сладкотеку́щий, из у́ст твои́х, о́тче на́ш Паи́сие, бо́же́ственнаго уче́ния теку́щь, да услажда́ет при́сно помина́ющия его, и после́дующия твоему уче́нию.
Преподо́бне о́тче на́ш Паи́сие, моли́ Бо́га о на́с.
Неисхо́дно в ке́ллии седя, умо́м же все́х обходя, разсужда́л еси различныя раны: мно́го разли́чных е́сть, и всем цели́тельный и прия́тный пла́стырь прилага́л еси, о́тче.
Сла́ва Отцу́ и Сы́ну и Свято́му Ду́ху.
Начина́ющаго воспомина́ти твоя добродетели, не отста́ви, о́тче, от слове́снаго твоего ста́да, но огради́вши свои́ми моли́твами, сохрани невреди́ма от расхища́ющаго во́лка.
И ны́не и при́сно и во ве́ки веко́в. Ами́нь.
Мо́лим тя, Богоро́дице Присноде́во, сохраня́ти при́сно рабы твоя, и́хже отходя́й оста́вил е́сть твоему хране́нию.