Подоба́етъ вѣ́дати, ꙗ҆́кѡ в҃-ѧ пѣ́снь никогда́же стиїхосло́витсѧ, то́кмѡ во є҆ди́ной вели́кой м҃-цѣ, во вто́рникъ: стїхосло́вимъ же ю҆̀ да́же до конц̀а.
Къ тропарѧ́мъ же, є҆ди́номꙋ коемꙋ́ждо глаго́лемъ: Сла́ва тебѣ̀, бж҃е на́шъ, сла́ва тебѣ̀.
҆҆ Пѣ́снь мѡѷсе́ова ѡ҆ второзако́нїи. Зако́нꙋ пи́санꙋ па́ки, пѣ́снь мѡѷсе́ова.
Вонмѝ, нб҃о, и҆ возглаго́лю, и҆ да слы́шитъ землѧ̀ глаго́лы ѹ҆́стъ мои́хъ.
Да ча́етъ ꙗ҆́кѡ до́ждь вѣща́нїе моѐ, и҆ да сни́дꙋтъ ꙗ҆́кѡ роса̀ глаго́ли моѝ.
Ꙗ҆́кѡ тꙋ́ча на тро́скотъ, и҆ ꙗ҆́кѡ и҆́ней на сѣ́но, ꙗ҆́кѡ и҆́мѧ гдⷭ҇не призва́хъ, дади́те вели́чїе бг҃ꙋ на́шемꙋ.
Бг҃ъ, и҆́стинна дѣла̀ є҆гѡ̀, и҆ всѝ пꙋтїѐ є҆гѡ̀ сꙋ́дъ.
Бг҃ъ вѣ́ренъ, и҆ нѣ́сть непра́вды въ не́мъ: првⷣнъ и҆ прпⷣбенъ гдⷭ҇ь.
Согрѣши́ша, не тогѡ̀ ча̑да порѡ́чнаѧ: ро́де стропти́вый и҆ развраще́нный, сїѧ̑ ли гдⷭ҇еви воздаетѐ.
Сі́и лю́дїе бꙋ́їи и҆ не мꙋ́дри: не са́мъ ли се́й ѻ҆ц҃ъ тво́й стѧжа́ тѧ, и҆ сотвори́ тѧ, и҆ созда́ тѧ;
Помѧни́те дни̑ вѣ̑чныѧ, разꙋмѣ́йте лѣ̑та ро́да родѡ́въ.
Вопросѝ ѻ҆тца̀ твоего̀, и҆ возвѣсти́тъ тебѣ̀, ста́рцы твоѧ̑, и҆ рекꙋ́тъ тебѣ̀.
Е#гдA раздэлsше вhшній kзhки, ћкw разсёz сhны ґдaмwвы.
Поста́ви предѣ́лы ꙗ҆зы́кѡвъ по числꙋ̀ а҆́гг҃лъ бж҃їихъ, и҆ бы́сть ча́сть гдⷭ҇нѧ, лю́дїе є҆гѡ̀ і҆а́кѡвъ, ѹ҆́же наслѣ́дїѧ є҆гѡ̀, і҆и҃ль.
Ѹ҆довлѝ є҆го̀ въ пꙋсты́ни, въ жа́жди зно́ѧ въ безво́днѣ.
Ѡ҆бы́де є҆го̀, и҆ наказа̀ є҆го̀, и҆ сохранѝ є҆го̀ ꙗ҆́кѡ зѣ́ницꙋ ѻ҆́ка.
Ꙗ҆́кѡ ѻ҆ре́лъ покры̀ гнѣздо̀ своѐ, и҆ на птенцы̀ своѧ̑ возжелѣ̀.
Просте́ръ крилѣ̑ своѝ, и҆ прїѧ́тъ ѧ҆̀, и҆ под̾ѧ́тъ ѧ҆̀ на ра̑мꙋ своє́ю.
Гдⷭ҇ь є҆ди́нъ вожда́ше ѧ҆̀, и҆ не бѣ̀ съ ни́ми бо́гъ чꙋ́ждь.
Возведѐ ѧ҆̀ на си́лꙋ землѝ, насы́ти ѧ҆̀ жи̑тъ се́льныхъ.
Ссaша мeдъ и3з8 кaмене, и3 є3лeй t твeрда кaмене.
Ма́сло кра́вїе, и҆ млеко̀ ѻ҆́вчее, съ тꙋ́комъ а҆́гнчимъ и҆ ѻ҆́внимъ, сынѡ́въ ю҆́нчихъ и҆ ко́злихъ, съ тꙋ́комъ пшени́чнымъ, и҆ кро́вь гро́здовꙋ пїѧ́хꙋ вїно̀.
И҆ ꙗ҆дѐ і҆а́кѡвъ, и҆ насы́тисѧ, и҆ ѿве́ржесѧ возлю́бленный.
Ѹ҆ты̀, ѹ҆толстѣ̀, разширѣ̀: и҆ ѡ҆ста́ви бг҃а сотво́ршаго є҆го̀, и҆ ѿстꙋпѝ ѿ бг҃а сп҃са своегѡ̀.
Прогнѣ́ваша мѧ̀ ѡ҆ чꙋжди́хъ, и҆ въ ме́рзостехъ свои́хъ преѡгорчи́ша мѧ̀:
Пожро́ша бѣсовѡ́мъ, а҆ не бг҃ꙋ, богѡ́мъ, и҆́хже не вѣ́дѣша, но́ви и҆ секра́ти преидо́ша, и҆́хже не вѣ́дѣша ѻ҆тцы̀ и҆́хъ.
Бг҃а ро́ждшаго тѧ̀ ѡ҆ста́вилъ є҆сѝ, и҆ забы́лъ є҆сѝ бг҃а пита́ющаго тѧ̀.
И҆ ви́дѣ гдⷭ҇ь, и҆ возревнова̀, и҆ раздражи́сѧ за гнѣ́въ сынѡ́въ и҆́хъ и҆ дще́рей,
И҆ речѐ: ѿвращꙋ̀ лицѐ моѐ ѿ ни́хъ, и҆ покажꙋ̀, что̀ бꙋ́детъ и҆̀мъ напослѣ́докъ.
Ꙗ҆́кѡ ро́дъ развраще́нъ є҆́сть, сы́нове и҆̀мже нѣ́сть вѣ́ры въ ни́хъ.
Ті́и раздражи́ша мѧ̀ не ѡ҆ бз҃ѣ, прогнѣ́ваша мѧ̀ во јдѡлѣхъ свои́хъ:
И# ѓзъ раздражY | не њ kзhцэ, њ kзhцэ же неразyмливэ прогнёваю |.
Ꙗ҆́кѡ ѻ҆́гнь возгори́тсѧ ѿ ꙗ҆́рости моеѧ̀, разжже́тсѧ до а҆́да преиспо́днѧгѡ:
Снѣ́стъ зе́млю и҆ жи̑та є҆ѧ̀, попали́тъ ѡ҆снова̑нїѧ го́ръ.
Соберꙋ̀ на ни́хъ ѕла̑ѧ, и҆ стрѣ́лы моѧ̑ сконча́ю въ ни́хъ:
Тaюще глaдомъ, и3 снёдь пти1цъ, и3 г0рбъ неисцёленъ.
Зꙋ́бы ѕвѣре́й послю̀ въ нѧ̀, съ ꙗ҆́ростїю пресмыка́ющихсѧ по землѝ.
T внѣ̀ ѡ҆безча́дитъ ѧ҆̀ ме́чь, и҆ ѿ хра́мѡвъ и҆́хъ стра́хъ: ю҆́ноша съ дѣ́вою, ссꙋ́щее съ соверше́ннымъ ста́рцемъ.
Рѣ́хъ: разсѣ́ю ѧ҆̀, ѹ҆ста́влю же ѿ человѣ̑къ па́мѧть и҆́хъ.
А҆́ще не за гнѣ́въ врагѡ́въ, да не долголѣ́тствꙋютъ, и҆ да не налѧ́гꙋтъ сꙋпоста́ти,
Да не рекꙋ́тъ: рꙋка̀ на́ша высока̀, и҆ не гдⷭ҇ь сотворѝ сїѧ̑ всѧ̑.
Ꙗ҆́кѡ ꙗ҆зы́къ погꙋби́вый совѣ́тъ є҆́сть, и҆ нѣ́сть въ ни́хъ хꙋдо́жества.
Не смы́слиша разꙋмѣ́ти: сїѧ̑ всѧ̑ да прїи́мꙋтъ во грѧдꙋ́щее лѣ́то.
Ка́кѡ пожене́тъ є҆ди́нъ ты́сѧщы, и҆ два̀ дви́гнета тмы̑,
А҆́ще не бг҃ъ ѿда́стъ ѧ҆̀, и҆ гдⷭ҇ь преда́стъ ѧ҆̀;
Не сꙋ́ть бо бо́зи и҆́хъ, ꙗ҆́кѡ бг҃ъ на́шъ: врази́ же на́ши неразꙋ́мливи.
T вїногра́дѡвъ бо содо́мскихъ вїногра́дъ и҆́хъ, и҆ розга̀ и҆́хъ ѿ гомо́рры:
Гр0здъ и4хъ, гр0здъ жeлчи, гр0здъ г0рести и4хъ.
Ꙗ҆́рость ѕмїє́въ, вїно̀ и҆́хъ, и҆ ꙗ҆́рость а҆́спїдѡвъ неисцѣ́льна.
Не сїѧ̑ ли всѧ̑ собра́шасѧ ѹ҆ менѐ, и҆ запечатлѣ́шасѧ въ сокро́вищахъ мои́хъ;
Въ де́нь ѿмще́нїѧ возда́мъ, во вре́мѧ внегда̀ соблазни́тсѧ нога̀ и҆́хъ.
Ꙗ҆́кѡ бли́зъ де́нь поги́бели и҆́хъ, и҆ предстоѧ́тъ готѡ́ваѧ ва́мъ.
Ꙗ҆́кѡ сꙋ́дитъ и҆́мать гдⷭ҇ь лю́демъ свои̑мъ, и҆ ѡ҆ рабѣ́хъ свои́хъ ѹ҆моле́нъ бꙋ́детъ.
Ви́дѣ бо ѧ҆̀ разсла́блєнны, и҆ и҆ста́ѧвшѧ во вре́мѧ, и҆ и҆знемо́гшѧ.
И҆ речѐ гдⷭ҇ь: гдѣ̀ сꙋ́ть бо́зи и҆́хъ, и҆̀хже ѹ҆пова́ша на нѧ̀; и҆́хже тꙋ́къ же́ртвъ и҆́хъ ꙗ҆дѧ́сте, и҆ пїѧ́сте вїно̀ тре́бъ и҆́хъ;
Да воскрeснутъ и3 пом0гутъ вaмъ, и3 бyдутъ вaмъ покрови1тєли.
Ви́дите, ви́дите, ꙗ҆́кѡ а҆́зъ є҆́смь, и҆ нѣ́сть бг҃ъ ра́звѣ менє̀.
А҆́зъ ѹ҆бїю̀, и҆ жи́ти сотворю̀: поражꙋ̀, и҆ а҆́зъ и҆сцѣлю̀, и҆ нѣ́сть, и҆́же и҆́зметъ ѿ рꙋкꙋ̀ моє́ю.
Ꙗ҆́кѡ воздви́гнꙋ на нб҃о рꙋ́кꙋ мою̀, и҆ кленꙋ́сѧ десни́цею мое́ю, и҆ рекꙋ̀: живꙋ̀ а҆́зъ во вѣ́ки.
Ꙗ҆́кѡ поѡстрю̀ ꙗ҆́кѡ мо́лнїю ме́чь мо́й, и҆ прїи́метъ сꙋ́дъ рꙋка̀ моѧ̀:
И҆ возда́мъ ме́сть врагѡ́мъ, и҆ ненави́дѧщымъ мѧ̀ возда́мъ.
Ѹ҆пою̀ стрѣ́лы моѧ̑ ѿ кро́ве, и҆ ме́чь мо́й снѣ́стъ мѧса̀:
T кро́ве ꙗ҆́звеныхъ и҆ плѣне́нїѧ, ѿ гла́въ кнѧзе́й ꙗ҆зы́ческихъ.
Возвесели́тесѧ нб҃са̀ кꙋ́пнѡ съ ни́мъ, и҆ да покло́нѧтсѧ є҆мꙋ̀ всѝ а҆́гг҃ли бж҃їи.
Возвесели́тесѧ ꙗ҆зы́цы съ людьмѝ є҆гѡ̀, и҆ да ѹ҆крѣпѧ́тсѧ є҆мꙋ̀ всѝ сы́нове бж҃їи.
Ꙗ҆́кѡ кро́вь сынѡ́въ свои́хъ ѿмща́етъ, и҆ ѿмсти́тъ: и҆ возда́стъ ме́сть врагѡ́мъ, и҆ ненави́дѧщымъ є҆го̀ возда́стъ.
И҆ ѡ҆чи́ститъ гдⷭ҇ь зе́млю люде́й свои́хъ.
Слaва, и3 нhнэ: