Стѣна̀ є҆сѝ дѣ́вамъ бцⷣе дв҃о, и҆ всѣ̑мъ къ тебѣ̀ прибѣга́ющымъ: и҆́бо нб҃сѐ и҆ землѝ творе́цъ ѹ҆стро́и тѧ̀ пречⷭ҇таѧ, все́льсѧ во ѹ҆тро́бѣ твое́й, и҆ всѧ̑ приглаша́ти тебѣ̀ наꙋчи́въ:
Ра́дꙋйсѧ, сто́лпе двⷭ҇тва:
Ра́дꙋйсѧ, две́рь сп҃се́нїѧ:
Ра́дꙋйсѧ, нача́льнице мы́сленнагѡ назда́нїѧ:
Ра́дꙋйсѧ, пода́тельнице бжⷭ҇твенныѧ бл҃гости.
Ра́дꙋйсѧ, ты́ бо ѡ҆бнови́ла є҆сѝ зача̑тыѧ стꙋ́днѡ:
Ра́дꙋйсѧ, ты́ бо наказа́ла є҆сѝ ѡ҆кра́дєнныѧ ѹ҆мо́мъ.
Ра́дꙋйсѧ, тли́телѧ смы́слѡвъ ѹ҆пражднѧ́ющаѧ:
Ра́дꙋйсѧ, сѣ́ѧтелѧ чⷭ҇тоты̀ ро́ждшаѧ.
Ра́дꙋйсѧ, черто́же безсѣ́меннагѡ ѹ҆невѣ́щенїѧ:
Ра́дꙋйсѧ, вёрныхъ гдⷭ҇еви сочета́вшаѧ.
Ра́дꙋйсѧ, до́браѧ младопита́тельнице дѣ́вамъ:
Ра́дꙋйсѧ, невѣстокраси́тельнице дꙋ́шъ ст҃ы́хъ.
Ра́дꙋйсѧ, невёсто неневѣ́стнаѧ.