Любовию Христовою, богомудре, просветився, добродетельми облистал еси: и всякое плотско́е наслаждение возненавидев, и в пустыню всели́вся, в ней вельмѝ подвизался еси в жизни сей временней, в пениих и во бдениих и в пощениих: сего ради и Христос даром чудес обогати тя. Но поминай нас чтущих пресветлую память твою, преподобне отче Григорие, и моли Христа Бога спастися душа́м нашым.