Ирмос: Божиим светом Твоим, Блаже, утренюю-щих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.
Отвержен во глубокую пучину сластей, Твоего благоутробия бездну призываю, Управителю, спаси мя.
Благоутробия Источниче, даждь ми ныне умиление и воздыхание, яко да восплачу злых моих безмерная моря.
Слава Отцу и Сыну и Святому Духу.
Время живота моего мало и исполнено болезней и лукавства, но в покаянии мя приими и в разум призови, да не буду стяжание, ни брашно чуждему, Спасе, Сам мя ущедри.
И ныне и присно и во веки веков. Аминь.
Ты еси оружие наше, и стена, Богородице Дево, Ты еси заступление к Тебе притекающих, Тя и ныне в молитву движу, да избавлюся врагов моих.