҆҆ Пѣ́снь ст҃ы́хъ трїе́хъ ѻ҆трокѡ́въ. Влⷣкꙋ воспо́й созда́нныхъ є҆стество̀:
҆҆ Гдⷭ҇а, по́йте дѣла̀, и҆ превозноси́те во всѧ̑ вѣ́ки.
Благослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те є҆го̀ во вѣ́ки.
Бл҃гослови́те а҆́гг҃ли гдⷭ҇ни, небеса̀ гдⷭ҇нѧ гдⷭ҇а, по́йте и҆ превозноси́те є҆го̀ во вѣ́ки.
Благослови́те во́ды всѧ̑, ꙗ҆̀же превы́ше иебе́съ, всѧ̑ си̑лы гдⷭ҇ни гдⷭ҇а, по́йте и҆ превозноси́те є҆го̀ во вѣ́ки.
Благослови́те со́лнце и҆ мѣ́сѧцъ, ѕвѣ́зды небє́сныѧ гдⷭ҇а, по́йте и҆ превозноси́те є҆го̀ во вѣ́ки.
Благослови́те всѧ́къ до́ждь и҆ роса̀, всѝ дꙋ́си гдⷭ҇а, по́йте и҆ превозноси́те є҆го̀ во вѣ́ки.
Благослови́те ѻ҆́гнь и҆ ва́ръ, стꙋ́дь и҆ зно́й гдⷭ҇а, по́йте и҆ превозносите є҆го̀ во вѣ́ки.
Благослови́те ро́сы и҆ и҆́ней, ле́дъ и҆ мра́зъ гдⷭ҇а, по́йте и҆ превозноси́те є҆го̀ во вёки.
Благослови́те сла̑ны и҆ снѣ́зи, нѡ́щи и҆ дні́е гдⷭ҇а, по́йте и҆ превозноси́те є҆го̀ во вѣ́ки.
Благослови́те свѣ́тъ и҆ тма̀, мѡ́лнїѧ и҆ ѡ҆́блацы гдⷭ҇а, по́йте и҆ превозноси́те є҆го̀ во вѣ́ки.
Благослови́тъ землѧ̀, го́ры и҆ хо́лми, и҆ всѧ̑ прозѧба̑ющаѧ на не́й гдⷭ҇а, по́йте и҆ превозноси́те є҆го̀ во вѣ́ки.
Благослови́те и҆сто́чницы, морѧ̀ и҆ рѣ́ки, ки́ты, и҆ всѧ̑ дви̑жꙋщаѧсѧ въ вода́хъ гдⷭ҇а, по́йте и҆ превозноси́те є҆го̀ во вѣ́ки.
На и҃: Благослови́те всѧ̑ пти̑цы небє́сныѧ, ѕвѣ́рїе и҆ всѝ ско́ти гдⷭ҇а, по́йте и҆ превозноси́те є҆го̀ во вѣ́ки.
Благослови́те сы́нове человѣ́честїи, да благослови́тъ і҆и҃ль гдⷭ҇а, по́йте и҆ превозноси́те є҆го̀ во вѣ́ки.
На ѕ҃: Благослови́те сщ҃е́нницы гдⷭ҇ни, рабѝ гдⷭ҇ни гдⷭ҇а, по́йте и҆ превозноси́те є҆го̀ во вѣ́ки.
Бл҃гослови́те дꙋ́си и҆ дꙋ́ши првⷣныхъ, прпⷣбнїи и҆ смире́ннїи се́рдцемъ гдⷭ҇а, по́йте и҆ превозноси́те є҆го̀ во вѣ́ки.
На д҃: Бл҃гослови́те а҆на́нїа, а҆за́рїа, мїсаи́лъ гдⷭ҇а, по́йте и҆ превозноси́те є҆го̀ во вѣ́ки.
Бл҃гослови́те а҆пⷭ҇ли, прⷪ҇ро́цы и҆ мч҃нцы гдⷭ҇ни гдⷭ҇а, по́йте и҆ превозноси́те є҆го̀ во вѣ́ки.
Бл҃гослови́мъ ѻ҆ц҃а̀, и҆ сн҃а, и҆ ст҃а́го д¦а, гдⷭ҇а.
Ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.
Хва́лимъ, бл҃гослови́мъ, покланѧ́емсѧ гдⷭ҇еви, пою́ще и҆ превозносѧ́ще во всѧ̑ вѣ́ки.