Боже вечный и Царю всякого создания, сподóбивый мя даже в час сей доспети: прости ми грехи, яже сотворих в сей день делом, словом и помышлением: и очисти, Господи, смиренную мою душу от всякия скверны плоти и духа, и даждь ми, Господи, в нощи́ сей сон прейти в мире, да воставь от смиренного ми ложа благоугожду пресвятому имени Твоему во вся дни живота моего, и поперу борю́щия мя враги плотския и бесплотныя. И избави мя, Господи, от помышлений суетных, оскверняющих мя, и похотей лукавых. Яко Твое есть царство и сила и слава, Отца и Сына и Святаго Духа, ныне и присно и во веки веков. Амин.
__________
День прошед, благодарю Тя, Господи, вечер прошу с нощию без греха подаждь ми, Спасе, и спаси мя.