о преди́вный уго́дниче бо́жий, о́тче Силуа́не, преподо́бных оте́ц афо́нских похвало и украше́ние! услы́ши на́с, гре́шных, моля́щихся тебе, покры́й и заступи все́х подвиза́ющихся во оби́тели свя́та́го великому́ченка Пантелеи́мона от вся́ких бе́д и печа́лей, помози уста́вы преподо́бных оте́ц афо́нских непоколеби́мы сохрани́ти, изба́ви на́с от паде́ний грехо́вных, да́руй на́м ду́х сокруше́ния и смире́ния, наста́ви на исполне́ние обе́тов и́ноческих и все́х за́поведей бо́жиих. научи на́с ше́ствовати ко спа́се́нию путе́м смире́ннаго пла́ча, покая́ния и послуша́ния, пребу́ди неотсту́пно с на́ми, наставля́я на́с на и́стину Христо́ву. стено́ю моли́тв твои́х огради оби́тель сию, вся живу́щия и подвиза́ющияся в не́й и вся на поклоне́ние в ню приходя́щия: во бра́тии ми́р и любо́вь соблюди, осени покро́вом твои́м строи́телей, бла́готвори́телей и бла́гоукраси́телей ея. Умоли небе́сную Игу́мению Афо́на Преблагослове́нную Влады́чицу Богоро́дицу, да сподо́бимся сконча́ти житие на́ше в стена́х оби́тели, в не́й же ты подвиза́лся еси, и в небе́сныя оби́тели пресели́тися, иде́же восхва́лим с тобо́ю и все́ми преподо́бными, на свя́те́й горе в по́двизех просия́вшими, Еди́наго в Тро́ице сла́вимаго Бо́га, Отца, и Сы́на, и Свята́го Ду́ха, ны́не и при́сно и во ве́ки веко́в. ами́нь.