Царице моя Преблагая, Надеждо моя Пресвятая, Прибежище сирым и странным Заступнице, бедствующих Помоще и озлобляемых Покрове! Зри́ши мою напасть, зри́ши мою скорбь: отвсю́ду искушением одержимь есмь, и заступающаго несть у менѐ. Ты убо Сама помози ми яко немощну, направи мя яко странна, настави яко заблуждша, уврачуй и спаси яко безнадежна. Не и́мам бо иныя помощи, ни ина́го предстательства, ни утешения, токмо Тебе, о Мати всех скорбящих и обремененных! При́зри убо на мя грешнаго и во озлоблении сущаго, и покрый мя пресвятым омофором Твоим, да изба́влен буду от зол, мя обыше́дших, и восхвалю всегда препетое имя Твое.