Вѣт‡ѧ многовѣща̑нныѧ, ꙗ҆́коже ры̑бы безгла̑сныѧ ви́димъ ѡ҆ тебѣ̀, і҆и҃се сп҃се на́шъ: недоꙋмѣ́ютъ бо глаго́лати, ка́кѡ бг҃ъ непрело́жный, и҆ чл҃вѣ́къ соверше́нный пребыва́еши; мы́ же та́инствꙋ дивѧ́щесѧ, вопїе́мъ вѣ́рнѡ:
І҆и҃се, бж҃е предвёчный:
І҆и҃се, цр҃ю̀ ца́рствꙋющихъ.
І҆и҃се, влⷣко владёющихъ:
І҆и҃се, сꙋдїѐ живы́хъ и҆ ме́ртвыхъ.
І҆и҃се, наде́ждо ненаде́жныхъ:
І҆и҃се, ᲂу҆тѣше́нїе пла́чꙋщихъ.
І҆и҃се, сла́во ни́щихъ:
І҆и҃се, не ѡ҆сꙋди́ мѧ по дѣлѡ́мъ мои̑мъ.
І҆и҃се, ѡ҆чи́сти мѧ̀ по млⷭ҇ти твое́й:
І҆и҃се, ѿженѝ ѿ менє̀ ѹ҆ны́нїе.
І҆и҃се, просвѣтѝ моѧ̑ мы̑сли сердє́чныѧ:
І҆и҃се, да́ждь мѝ па́мѧть сме́ртнꙋю.
І҆и҃се сн҃е бж҃їй, поми́лꙋй мѧ̀.