Вѣт‡ѧ многовѣща̑нныѧ, ꙗ҆́кѡ ры̑бы безгла̑сныѧ ви́димъ ѡ҆ тебѣ̀ бцⷣе: недоꙋмѣва́ютъ бо глаго́лати, є҆́же ка́кѡ и҆ дв҃а пребыва́еши, и҆ роди́ти возмогла̀ є҆сѝ; Мы́ же та́инствꙋ дивѧ́щесѧ, вѣ́рнѡ вопїе́мъ:
Ра́дꙋйсѧ, премⷣрости бж҃їѧ прїѧ́телище:
Ра́дꙋйсѧ, промышле́нїѧ є҆гѡ̀ сокро́вище.
Ра́дꙋйсѧ, любомꙋ̑дрыѧ немꙋ̑дрыѧ ꙗ҆влѧ́ющаѧ:
Ра́дꙋйсѧ, хитрословє́сныѧ безсловє́сныѧ ѡ҆блича́ющаѧ:
Ра́дꙋйсѧ, ꙗ҆́кѡ ѡ҆бꙋѧ́ша лю́тїи взыска́телє:
Ра́дꙋйсѧ, ꙗ҆́кѡ ѹ҆вѧдо́ша баснотво́рцы.
Ра́дꙋйсѧ, а҆ѳі҆нє́йскаѧ плетє́нїѧ растерза́ющаѧ:
Ра́дꙋйсѧ, ры̑барскїѧ мрє́жи и҆сполнѧ́ющаѧ.
Ра́дꙋйсѧ, и҆з̾ глꙋбины̀ невѣ́дѣнїѧ и҆звлача́ющаѧ:
Ра́дꙋйсѧ, мнѡ́ги въ ра́зꙋмѣ просвѣща́ющаѧ.
Ра́дꙋйсѧ, кораблю̀ хотѧ́щихъ сп҃сти́сѧ:
Ра́дꙋйсѧ, приста́нище жите́йскихъ пла́ванїй.
Ра́дꙋйсѧ, невёсто неневѣ́стнаѧ.