Подража́тель сы́й Ми́лостиваго, и исцеле́ний благода́ть от Него́ прие́м, страстоте́рпче и му́чениче Христа́ Бо́га, моли́твами Твои́ми душе́вныя на́ша неду́ги исцели́, отгоня́ при́сно борца́ собла́зны от вопию́щих ве́рно: спаси́ ны, Го́споди.
Икос:
Безсре́бренника па́мять, до́бляго страда́льца, ве́рнаго целе́бника, благоче́стно воспое́м, христолю́бцы, да прии́мем ми́лость, па́че же оскве́рнши, я́коже и а́з, своя́ хра́мы: душа́м бо и те́лом, возлю́бленнии, исцеле́ния подава́ет. Потщи́мся у́бо, ве́рная бра́тия, в сердца́х на́ших име́ти его́ кре́пость, избавля́юща от ле́сти вопию́щия: спаси́ ны, Го́споди.