Бг҃оте́чнаѧ ѕвѣзда̀ ꙗ҆ви́лсѧ є҆сѝ, наставлѧ́ѧ по мо́рю пла́вающихъ лю́тѣ, и҆̀мже сме́рть предстоѧ́ше вско́рѣ и҆ногда̀, а҆́ще не бы̀ ты̀ предста́лъ є҆сѝ призыва́ющымъ тѧ̀ въ по́мощь, чꙋдотво́рче ст҃ы́й нїко́лае: ѹ҆же́ бо несты́днѡ бѣсѡ́мъ лета́ющымъ, и҆ погрꙋзи́ти кораблѝ хотѧ́щымъ запрети́въ, ѿгна́лъ є҆сѝ и҆̀хъ, вѣ̑рныѧ же наꙋчи́лъ є҆сѝ сп҃са́ющемꙋ тобо́ю бг҃ꙋ взыва́ти: Ґллилꙋ́їа.