Ви́дящи тя преблагослове́нная Де́ва Богоро́дица во гресе погиба́юща, милосе́рдова о тебе и ти́хим гла́сом любве призва́ тя к покая́нию. ты́ же, о́тче свя́ты́й, позна́вый ду́хом Ма́терь Го́спода Бо́га, николи́же забыва́л еси ди́вное сие посеще́ние и кро́ткая словеса Бо́жия Ма́тере. Те́мже, оста́вив пу́ть, веду́щий к поги́бели, слеза́ми омы́в покая́ния грехи ю́ности своея, в сокруше́нии се́рдца прибега́л еси к Живода́вцу Христу, во умиле́нии поя ему: аллилу́иа.