О великий постниче безмо́лвниче, в ско́рбех помощниче и в беда́х заступниче, преподобне отче наш Корни́лие! Услыши ны, в час сей молящыяся тебе, и не умолчѝ вопия̀ о нас ко Господу с ли́ки святых и преподобных: не забу́ди посеща́ти ны ча́да твоя, и не уме́дли в молитвах твоих о скорбных и бе́дне страждущих и о всех притекающих к ра́це моще́й твоих, ныне и присно и во веки веков.