О, коль добро́ соедине́ние ва́ше, отцы́ Богому́дрии! О, коль красе́н и сла́док о́бщий сей ваш пра́здник, в не́мже вси вы, в Горе́ сей просия́вшии святи́и, зна́емии ку́пно и безъиме́ннии, о́бщее хвале́ние, я́коже духо́вная бра́тия, прие́млете! Подоба́ше бо во еди́нем ме́сте Го́сподеви угоди́вшим во еди́н день и пра́здновати. Сего́ ра́ди и мы, и́же во Афо́не мона́си и мирсти́и, во еди́но собра́вшеся, по до́лгу вас ублажа́ем, но́вии – дре́вних и сы́нове – отце́в, согла́сно вопию́ще: ме́сто сие́, в не́мже пожи́сте, от вся́каго зла спаса́йте, мно́жество преподо́бных, Афо́нская похвало́.