Собо́р ваш честны́й почита́юще/и па́мять святу́ю пра́зднующе,/ святи́и, от бо́лгар просия́вшии,/ приле́жно мо́лим вы:/ Го́спода о всех моли́те,/ па́че же о при́сных,/ сохрани́тися земли́ Бо́лгарстей от вся́ких бед/ и наро́ду утверди́тися на ве́ки в ве́ре Правосла́вней,/ я́ко да, ми́рное житие́ благоче́стно пожи́вше,/ вку́пе с ва́ми улучи́м ве́чное Оте́чество// в блаже́ннем Христа́ Бо́га Ца́рствии.
* * *