Божественною любовию возгоре́вся, вся мірска́я пристрастия отринул еси, Крест же Христов на ра́мо взем, вослед Его изволил ходити: отечество твое оставив, Великаго Новаграда достигл еси, и работая Богови невозвратным помыслом, дарования чудотворений сподобился еси. Темже чтуще тя, преподобне Арсение, вопием: слава Давшему ти крепость, слава Венчавшему тя, слава Действующему тобою всем исцеления.