А҆́зъ сы́й дре́во непло́дное гдⷭ҇и, ѹ҆миле́нїѧ плода̀ не ношꙋ̀ ѿню́дъ, и҆ посѣче́нїѧ страшꙋ́сѧ и҆ ѻ҆гнѧ̀ ѻ҆́нагѡ бою́сѧ негаси́магѡ. тѣ́мже тѧ̀ молю̀: пре́жде ѻ҆́ныѧ нꙋ́жды, ѡ҆братѝ и҆ сп҃си́ мѧ.
Ꙗ҆́кѡ во́лны морск‡ѧ на мѧ̀ возста́ша беззакѡ́нїѧ моѧ̑, ꙗ҆́кѡ корабле́цъ въ пꙋчи́нѣ а҆́зъ є҆ди́нъ ѡ҆бꙋрева́юсѧ ѿ прегрѣше́нїй мно́гихъ: но въ ти́хое приста́нище наста́ви мѧ̀ гдⷭ҇и, покаѧ́нїемъ, и҆ сп҃си́ мѧ.
Сла́ва: Поми́лꙋй мѧ̀, речѐ дв҃дъ, и҆ а҆́зъ тебѣ̀ зовꙋ̀: согрѣши́хъ сп҃се, грѣхѝ моѧ̑ ѡ҆чи́стивъ покаѧ́нїемъ, поми́лꙋй мѧ̀.
И҆ ны́нѣ: Предста́тельство те́плое хрⷭ҇тїа́нъ, сн҃а твоего̀ молѝ бцⷣе, всѧ́кагѡ ѕлодѣ́йства и҆ лю́тости и҆зба́вити на́съ ра́тника, и҆ да́ти проще́нїе на́мъ, ѡ҆ ни́хже согрѣши́хомъ, млⷭ҇рдїѧ ра́ди щедро́тъ, твои́ми мл҃твами, мт҃и дв҃о.
҆҆ Гдⷭ҇и поми́лꙋй, м҃. и҆ мл҃тва:
ВLко вседержи́телю, ѻ҆́§е гдⷭ҇а на́шегѡ і҆и҃са хрⷭ҇та̀, є҆диноро́днагѡ твоегѡ̀ сн҃а, да́ждь мѝ тѣ́ло нескве́рное, се́рдце чи́стое, ѹ҆́мъ бо́дръ, ра́зꙋмъ незаблꙋ́дный, д¦а ст҃а́гѡ наше́ствїе, къ стѧжа́нїю и҆ дово́льствꙋ и҆́стины во хрⷭ҇тѣ̀ твое́мъ: съ ни́мже
тебѣ̀ сла́ва подоба́етъ, че́сть и҆ поклоне́нїе, со ст҃ы́мъ д¦омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.