Пре́жде да́же не ѡ҆сꙋ́диши мѧ̀, гдⷭ҇и мо́й гдⷭ҇и, да́ждь мѝ ѡ҆браще́нїе, и҆ и҆справле́нїе мно́гихъ мои́хъ грѣхѡ́въ: да́ждь мѝ ѹ҆миле́нїе дꙋхо́вное, ꙗ҆́кѡ да возопїю̀ къ тебѣ̀: бл҃гоꙋтро́бне, чл҃вѣколю́бче бж҃е мо́й, сп҃си́ мѧ.
Сла́ва: Несмы́слєннымъ скотѡ́мъ ѹ҆подо́бивыйсѧ а҆́зъ блꙋ́дный, приложи́хсѧ и҆̀мъ: ѡ҆браще́нїе мѝ да́рꙋй хрⷭ҇тѐ, ꙗ҆́кѡ да прїимꙋ̀ ѹ҆ тебѐ ве́лїю млⷭ҇ть.
И҆ ны́нѣ: Не ѿвратѝ влⷣчце, лица̀ твоегѡ̀ ѿ менѐ молѧ́щагѡсѧ тебѣ̀: но ꙗ҆́кѡ бл҃гоꙋтро́бнаѧ мт҃и ще́драгѡ бг҃а, потщи́сѧ пре́жде конца̀ ѡ҆браще́нїе мнѣ̀ дарова́ти, ꙗ҆́кѡ да спа́ссѧ тобо́ю, воспою́ тѧ ꙗ҆́кѡ сп҃се́нїе и҆ ѹ҆пова́нїе моѐ непосра́мленное гпⷭ҇жѐ
моѧ̀.
҆҆ Гдⷭ҇и поми́лꙋй, м҃. и҆ мл҃тва:
Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши мѧ̀. влⷣко гдⷭ҇и і҆и҃се хрⷭ҇тѐ, сн҃е бг҃а жива́гѡ, поми́лꙋй мѧ̀ грѣ́шнаго, ни́щаго, ѡ҆бнаже́ннаго, лѣни́ваго, неради́ваго, прекосло́внаго, ѻ҆каѧ́ннаго, блꙋдника̀, прелюбодѣ́ѧ,
Přednímu kantoru na neginot, k nízkému zpěvu, žalm Davidův. Hospodine, netresci mne v hněvě svém, ani v prchlivosti své kárej mne.
малакі́ѧ, мꙋжело́жника, скве́рнаго, блꙋ́днаго, неблагода́рнаго, неми́лостиваго, жесто́каго, пїѧ́ницꙋ, сожже́ннаго со́вѣстїю, безли́чнаго, бездерзнове́ннаго, без̾ѿвѣ́тнаго, недосто́йнаго твоегѡ̀ чл҃вѣколю́бїѧ, и҆ досто́йна всѧ́кагѡ мꙋче́нїѧ, и҆ гее́нны, и҆ мꙋ́ки: и҆ не
ра́ди мно́жества толи́кихъ мои́хъ согрѣше́нїй, мно́жествꙋ подложи́ши, и҆зба́вителю, мꙋ́къ, но поми́лꙋй мѧ̀, ꙗ҆́кѡ не́мощенъ є҆́смь, и҆ дꙋше́ю и҆ пло́тїю, и҆ ра́зꙋмомъ и҆ помышле́нїемъ: и҆ и҆́миже вѣ́си сꙋдьба́ми, сп҃си́ мѧ недосто́йнаго раба̀ твоего̀, мл҃твами пречⷭ҇тыѧ влⷣчцы
на́шеѧ бцⷣы, и҆ всѣ́хъ ст҃ы́хъ, ѿ вѣ́ка тебѣ̀ бл҃гоꙋго́ждшихъ: ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь.