Ирмо́с: Царя́ Небе́снаго, Его́же пою́т во́и а́нгельстии, хвали́те и превозноси́те во вся́ ве́ки.
Святи́и благове́рнии Пе́тре и Февро́ние, моли́те Бо́га о нас.
Очи́сти и прости́ согреше́ния на́ша, Безгре́шне, моли́твами Твои́х уго́дник Петра́ и Февро́нии, да пое́м Тя́, Христе́, во ве́ки.
Святи́и благове́рнии Пе́тре и Февро́ние, моли́те Бо́га о нас.
Иже от се́рдца руко́ю недосто́йною приноси́мое ва́м хвале́ние, блаже́ннии, приими́те и мольбу́ сотвори́те о на́с ко Христу́ Бо́гу.
Сла́ва Отцу́ и Сы́ну и Свято́му Ду́ху.
Певце́м, Тебе́ пою́щим, Тро́ице Пресвята́я, согреше́ния оста́ви, я́ко Пребла́га, моли́тв ра́ди Петра́ и Февро́нии, да Тя́ пое́м во ве́ки.
И ны́не и прис́но и во ве́ки веко́в. Ами́нь.
Божества́ сосу́д бы́вши, Чи́стая, просвети́ мя в повеле́нии Све́та ходи́ти, Пречи́стая, от чре́ва Твоего́ возсия́вшаго и просвети́вшаго ве́рных сердца́.