Ирмо́с: Услы́шах, Го́споди, смотре́ния Твоего́ та́инство, разуме́хъ дела́ Твоя́ и просла́вих Твое́ Божество́.
Святи́и благове́рнии Пе́тре и Февро́ние, моли́те Бо́га о нас.
Яко хода́тай и засту́пник оте́честву твоему́, я́ко сопроти́вных реши́тель бу́ди, заступа́я лю́ди твоя́, тебе́, Пе́тре, сла́вящия.
Святи́и благове́рнии Пе́тре и Февро́ние, моли́те Бо́га о нас.
Яко в небе́сных оби́телех с преподо́бными и пра́ведными веселя́ся, преблаже́нне Пе́тре ку́пно с Февро́ниею, не преста́й моля́ о лю́дех твои́х.
Сла́ва Отцу́ и Сы́ну и Свято́му Ду́ху.
Тебе́ мо́лимся, преблаже́нне, сопроти́вных шата́ние низложи́ и неду́ги челове́ков облегчи́, я́ко да во гла́сех хвале́ния тебе́ велича́ем.
И ны́не и прис́но и во ве́ки веко́в. Ами́нь.
Очище́ние на́шим да́руй прегреше́нием, я́ко Пребла́г, и умири́ ми́р Тво́й, Бо́же, моли́твами ро́ждшия Тя́.