Млⷭ҇ть и҆ сꙋ́дъ воспою̀ тебѣ̀, гдⷭ҇и: пою̀ и҆ разꙋмѣ́ю въ пꙋтѝ непоро́чнѣ, когда̀ прїи́деши ко мнѣ̀; прехожда́хъ въ неѕло́бїи се́рдца моегѡ̀, посредѣ̀ до́мꙋ моегѡ̀. не предлага́хъ пред̾ ѻ҆чи́ма мои́ма ве́щь законопрестꙋ́пнꙋю, творѧ́щыѧ престꙋпле́нїе возненави́дѣхъ. не прильпѐ мнѣ̀ се́рдце стропти́во, ѹ҆клонѧ́ющагѡсѧ ѿ менѐ лꙋка́вагѡ не позна́хъ: ѡ҆клевета́ющагѡ та́й и҆́скреннѧго своего̀, сего̀ и҆згонѧ́хъ: го́рдымъ ѻ҆́комъ и҆ несы́тымъ се́рдцемъ, съ си́мъ не ꙗ҆дѧ́хъ. ѻ҆́чи моѝ на вѣ̑рныѧ землѝ, посажда́ти ѧ҆̀ со мно́ю: ходѧ́й по пꙋтѝ непоро́чнꙋ, се́й мѝ слꙋжа́ше. не живѧ́ше посредѣ̀ до́мꙋ моегѡ̀ творѧ́й горды́ню: глаго́лѧй непра́вєднаѧ, не и҆справлѧ́ше пред̾ ѻ҆чи́ма мои́ма. во ѹ҆́трїѧ и҆збива́хъ всѧ̑ грѣ̑шныѧ землѝ, є҆́же потреби́ти ѿ гра́да гдⷭ҇нѧ всѧ̑ дѣ́лающыѧ беззако́нїе.
Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ д¦ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь.
Glory to the Father and to the Son and to the Holy Spirit, and now and ever and unto the ages of ages. Amen.
Ґллилꙋ́їѧ, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]
Glory to Thee, Alleluia, alleluia, glory to Thee, O God. [Three times.]
Гдⷭ҇и поми́лꙋй. [Три́жды.]
O Lord, have mercy. [Three times.]