а҃. Гдⷭ҇ь пасе́тъ мѧ̀, и҆ ничто́же мѧ̀ лиши́тъ.
в҃. На мѣ́сте ѕла́чнѣ, та́мѡ всели́ мѧ, на водѣ̀ поко́йнѣ воспита́ мѧ.
г҃. Дꙋ́шꙋ мою̀ ѡ҆братѝ, наста́ви мѧ̀ на стєзѝ пра́вды, и҆́мене ра́ди своегѡ̀.
д҃. А҆́ще бо и҆ пойдꙋ̀ посредѣ̀ сѣ́ни сме́ртныѧ, не ѹ҆бою́сѧ ѕла̀, ꙗ҆́кѡ ты̀ со мно́ю є҆сѝ: же́злъ тво́й и҆ па́лица твоѧ̀, та̑ мѧ̀ ѹ҆тѣ́шиста.
є҃. Ѹ҆гото́валъ є҆сѝ предо мно́ю трапе́зꙋ сопроти́въ стꙋжа́ющымъ мнѣ̀: ѹ҆ма́стилъ є҆сѝ є҆ле́омъ главꙋ̀ мою̀, и҆ ча́ша твоѧ̀ ѹ҆поѧва́ющи мѧ̀, ꙗ҆́кѡ держа́вна.
ѕ҃. И҆ млⷭ҇ть твоѧ̀ пожене́тъ мѧ̀ всѧ̑ дни̑ живота̀ моегѡ̀, и҆ є҆́же всели́тимисѧ въ до́мъ гдⷭ҇ень въ долготꙋ̀ дні́й.
҆҆ Pало́мъ дв҃дꙋ, є҆ди́ныѧ ѿ сꙋббѡ́тъ, к҃г.
а҃. Гдⷭ҇нѧ землѧ̀, и҆ и҆сполне́нїе є҆ѧ̀, вселе́ннаѧ и҆ всѝ живꙋ́щїи на не́й.
в҃. То́й на морѧ́хъ ѡ҆снова́лъ ю҆̀ є҆́сть и҆ на рѣка́хъ ѹ҆гото́валъ ю҆̀ є҆́сть.
г҃. Кто̀ взы́детъ на го́рꙋ гдⷭ҇ню; и҆лѝ кто̀ ста́нетъ на мѣ́стѣ ст҃ѣ́мъ є҆гѡ̀;
д҃. Непови́ненъ рꙋка́ма и҆ чи́стъ се́рдцемъ, и҆́же не прїѧ́тъ всꙋ́е дꙋ́шꙋ свою̀ и҆ не клѧ́тсѧ ле́стїю и҆́скреннемꙋ своемꙋ̀:
є҃. Се́й прїи́метъ бл҃гослове́нїе ѿ гдⷭ҇а и҆ млⷭ҇тыню ѿ бг҃а сп҃са своегѡ̀.
ѕ҃. Се́й ро́дъ и҆́щꙋщихъ гдⷭ҇а, и҆́щꙋщихъ лицѐ бг҃а і҆а́кѡвлѧ.
з҃. Возми́те врата̀ кнѧ̑зи ва̑ша, и҆ возми́тесѧ врата̀ вѣ̑чнаѧ: и҆ вни́детъ цр҃ь сла́вы.
}. Кто́ є҆сть се́й цр҃ь сла́вы; гдⷭ҇ь крѣ́покъ и҆ си́ленъ, гдⷭ҇ь си́ленъ въ бра́ни.
f҃. Возми́те врата̀ кнѧ̑зи ва̑ша, и҆ возми́тесѧ врата̀ вѣ̑чнаѧ: и҆ вни́детъ цр҃ь сла́вы.
‹. Кт0 є3сть сeй цRь слaвы; гDь си1лъ, т0й є4сть цRь слaвы.
Слaва:
҆҆ По г҃-й каfі́смѣ, Трист҃о́е. И҆ по Ѻ҆́§е на́шъ: Та́же тропарѝ, гла́съ г҃:
Живꙋ́щи на землѝ, дꙋшѐ моѧ̀, пока́йсѧ, пе́рсть во гро́бѣ не пое́тъ, прегрѣше́нїй не и҆збавлѧ́етъ. возопі́й хрⷭ҇тꙋ̀ бг҃ꙋ: сердцевѣ́дче, согрѣши́хъ, пре́жде да́же не ѡ҆сꙋ́диши мѧ̀, поми́лꙋй мѧ̀.
Доко́лѣ, дꙋшѐ моѧ̀, пребыва́еши въ прегрѣше́нїихъ; доко́лѣ прїе́млеши покаѧ́нїѧ преложе́нїе; прїимѝ во ѹ҆мѣ̀ сꙋ́дъ грѧдꙋ́щїй, и҆ возопі́й гдⷭ҇ꙋ: сердцевѣ́дче, согрѣши́хъ, пре́жде да́же не ѡ҆сꙋ́диши мѧ̀, поми́лꙋй мѧ̀.
Сла́ва: На стра́шномъ сꙋди́щи без̾ ѡ҆глаго́льникѡвъ ѡ҆блича́юсѧ, без̾ свидѣ́телей ѡ҆сꙋжда́юсѧ: кни̑ги бо сѡ́вѣстныѧ разгиба́ютсѧ, и҆ дѣла̀ сокровє́ннаѧ ѿкрыва́ютсѧ. пре́жде не́же во ѻ҆́номъ всенаро́дномъ позо́рищи и҆́маши и҆спыта́ти, ꙗ҆̀же мно́ю содѣ̑ѧннаѧ,
бж҃е, ѡ҆чи́сти мѧ̀, и҆ сп҃си́ мѧ.
И҆ ны́нѣ: Недоразꙋмѣва́емое, и҆ непостижи́мое є҆́сть, вLчце бг҃обл҃года́тнаѧ, содѣ́ѧнное ѡ҆ тебѣ̀ стра́шное та́инство: неѡб̾е́млемаго бо заче́нши, родила̀ є҆сѝ пло́тїю ѡ҆бложе́ннаго ѿ чⷭ҇тыхъ крове́й твои́хъ. є҆го́же чⷭ҇таѧ, ꙗ҆́кѡ сн҃а твоего̀, молѝ
сп҃стѝ всѧ̑ пою́щыѧ тѧ̀.
҆҆ Гдⷭ҇и поми́лꙋй, м҃. и҆ мл҃тва:
Гдⷭ҇и вседержи́телю, сло́ве пребезнача́льнагѡ ѻ҆ц҃а̀, самосоверше́нный бж҃е і҆и҃се хрⷭ҇тѐ, млⷭ҇рдїѧ ра́ди безприкла́днагѡ млⷭ҇ти твоеѧ̀, ника́коже разлꙋча́ѧйсѧ твои́хъ рабѡ́въ, но при́снѡ въ ни́хъ почива́ѧй, не ѡ҆ста́ви мѧ̀ раба̀ твоего̀ всест҃ы́й цр҃ю̀: но
да́ждь мнѣ̀ недосто́йномꙋ ра́дованїе сп҃се́нїѧ твоегѡ̀, и҆ просвѣтѝ мо́й ѹ҆́мъ свѣ́томъ позна́нїѧ є҆ђлїа твоегѡ̀, дꙋ́шꙋ мою̀ любо́вїю крⷭ҇та̀ твоегѡ̀ ѡ҆бѧжѝ, тѣ́ло же моѐ твои́мъ безстра́стїемъ ѹ҆красѝ, мы̑сли ѹ҆мирѝ, и҆ но́зѣ моѝ сохранѝ ѿ поползнове́нїѧ, и҆ не погꙋби́
мѧ со беззако́нньми мои́ми, бл҃гі́й гдⷭ҇и, но и҆скꙋси́ мѧ бж҃е, и҆ вразꙋмѝ се́рдце моѐ: и҆спыта́й мѧ̀, и҆ ѹ҆вѣ́ждь стєзѝ моѧ̑, и҆ ви́ждь, а҆́ще пꙋ́ть беззако́нїѧ во мнѣ̀, и҆ ѿвратѝ ѿ негѡ̀, и҆ наста́ви мѧ̀ на пꙋ́ть вѣ́ченъ. Ты́ бо є҆сѝ пꙋ́ть и҆ и҆́стина, и҆ живо́тъ, и҆ тебѣ̀
сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ы́мъ и҆ бл҃ги́мъ и҆ животворѧ́щимъ д¦омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.