Владыко Господи Боже наш, власть имеяй всякия твари! Тебе молимся и Тебе просим, якоже благословил и умножил еси стада́ патриарха Иакова, благослови и стадо скотов сих раба Твоего (имя), и умножи, и укрепи, и сотвори е́ в тысящы, и избави е́ от насилия диаволя, и от иноплеменник, и от всякаго навета врагов, и возду́ха смертнаго, и губительнаго недуга: огради е́ святыми Ангелы Твоими, всякую немощь, всякую зависть и искушение, чаровства́ же и волше́бства, от действа находящыя диавольскаго, отгоняя от него: яко Твое есть царство и сила и слава, Отца и Сына и Святаго Духа, ныне и присно и во веки веков. Аминь.