О, преподо́бне о́тче Ирина́рше! Се мы мо́лим тя усе́рдно: бу́ди хода́тай наш при́сный, испроси́ нам от Христа́ Бо́га мир, тишину́, благоде́нствие, здра́вие и спасе́ние, и от всех враго́в ви́димых и неви́димых огражде́ние, покры́й же нас хода́тайством твои́м от нахожде́ния вся́ких бед и скорбе́й, па́че же от искуше́ния врага́ те́мнаго, да вси мы с тобо́ю прославля́ем всесвято́е и́мя Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.