Владыко Господи Святый, в вышних живый и всевидящим Твоим оком призираяй на всю тварь! Тебе преклоняем выю души и тела, Тебе молимся Святе святых: простри руку Твою невидимую от святаго жилища Твоего, и благослови вся ны, и прости нам всякое согрешение вольное и невольное, словом и ли делом содеянное. Даруй нам, Господи, умиление и слезы сокрушения во очищение многих грехов наших, даруй велию Твою милость міру Твоему и нам недостойным рабом Твоим. Яко благословено и прославлено есть имя Твое, ныне и присно и во веки веков.