Ди́внꙋю показа̀ тва́рь ꙗ҆вле́йсѧ творе́цъ на́мъ: без̾ сѣ́мене ѿ дв҃ы воплоти́сѧ, и҆з̾ гро́ба печа́ти не рꙋши́въ воскр҃се, и҆ ко а҆пⷭ҇лѡмъ две́ремъ затворє́ннымъ съ пло́тїю вни́де. Тѣ́мже чꙋдѧ́щесѧ, воспои́мъ:
І҆и҃се, сло́ве неѡб̾име́нный:
І҆и҃се, сло́ве несоглѧда́емый.
І҆и҃се, си́ло непостижи́маѧ:
І҆и҃се, мꙋ́дросте недомы́слимаѧ.
І҆и҃се, бж҃ество̀ неѡпи́санное:
І҆и҃се, гдⷭ҇ьство неисче́тное.
І҆и҃се, црⷭ҇тво непобѣди́мое:
І҆и҃се, влⷣчество безконе́чное.
І҆и҃се, крёпосте высоча́йшаѧ:
І҆и҃се, вла́сте вѣ́чнаѧ.
І҆и҃се, тво́рче мо́й, ѹ҆ще́дри мѧ̀:
І҆и҃се, сп҃се мо́й, сп҃си́ мѧ.
І҆и҃се сн҃е бж҃їй, поми́лꙋй мѧ̀.