Но́вꙋю показа̀ тва́рь, ꙗ҆́вльсѧ зижди́тель на́мъ ѿ негѡ̀ бы́вшымъ, и҆з̾ безсѣ́менныѧ прозѧ́бъ ѹ҆тро́бы, и҆ сохрани́въ ю҆̀, ꙗ҆́коже бѣ̀, нетлѣ́ннꙋ, да чꙋ́до ви́дѧще воспои́мъ ю҆̀, вопїю́ще:
Ра́дꙋйсѧ, цвёте нетлѣ́нїѧ:
Ра́дꙋйсѧ, вёнче воздержа́нїѧ.
Ра́дꙋйсѧ, воскрⷭ҇нїѧ ѡ҆́бразъ ѡ҆блиста́ющаѧ:
Ра́дꙋйсѧ, а҆́гг҃льское житїѐ ꙗ҆влѧ́ющаѧ.
Ра́дꙋйсѧ, дре́во свѣтлоплодови́тое, ѿ негѡ́же пита́ютсѧ вѣ́рнїи:
Ра́дꙋйсѧ, дре́во бл҃госѣнноли́ственное, и҆́мже покрыва́ютсѧ мно́зи.
Ра́дꙋйсѧ, во чре́вѣ носѧ́щаѧ и҆зба́вителѧ плѣнє́ннымъ:
Ра́дꙋйсѧ, ро́ждшаѧ наста́вника заблꙋ́ждшымъ.
Ра́дꙋйсѧ, сꙋдїѝ првⷣнагѡ ѹ҆моле́нїе:
Ра́дꙋйсѧ, мно́гихъ согрѣше́нїй проще́нїе.
Ра́дꙋйсѧ, ѻ҆де́ждо наги́хъ дерзнове́нїѧ:
Ра́дꙋйсѧ, любы̀, всѧ́кое жела́нїе побѣжда́ющаѧ.
Ра́дꙋйсѧ, невёсто неневѣ́стнаѧ.