Свѣтопода́тельна свѣти́льника сꙋ́щымъ во тьмѣ̀ неразꙋ́мїѧ, пре́жде гонѧ́й тѧ̀ па́ѵелъ, бг҃оразꙋ́мнагѡ гла́са си́лꙋ внꙋшѝ, и҆ дꙋше́внꙋю быстротꙋ̀ ѹ҆ѧснѝ: си́це и҆ менє̀ тє́мныѧ зѣ̑ницы дꙋшє́вныѧ просвѣтѝ, зовꙋ́ща:
І҆и҃се, цр҃ю̀ мо́й прекрёпкій:
І҆и҃се, бж҃е мо́й преси́льный.
І҆и҃се, гдⷭ҇и мо́й пребезсме́ртный:
І҆и҃се, созда́телю мо́й пресла́вный.
І҆и҃се, наста́вниче мо́й предо́брый:
І҆и҃се, па́стырю мо́й преще́дрый.
І҆и҃се, влⷣко мо́й премлⷭ҇тивый:
І҆и҃се, сп҃се мо́й премлⷭ҇рдый.
І҆и҃се, просвѣтѝ моѧ̑ чꙋ̑вствїѧ потемнє́ннаѧ страстьмѝ:
І҆и҃се, и҆сцѣлѝ моѐ тѣ́ло ѡ҆стрꙋпле́нное грѣхмѝ.
І҆и҃се, ѡ҆чи́сти мо́й ѹ҆́мъ ѿ по́мыслѡвъ сꙋ́етныхъ:
І҆и҃се, сохранѝ се́рдце моѐ ѿ по́хотей лꙋка́выхъ.
І҆и҃се сн҃е бж҃їй, поми́лꙋй мѧ̀.